სერია A. XXXVI ტური: "ინტერი" ჩემპიონთა ლიგის მიღმა [VIDEO]

ტურის ფაქტები

* სერია B-დან სერია A-ში გადასვლა "კროტონემ" გაინაღდა.

* "ინტერმა" ჩემპიონთა ლიგაზე მოხვედრის შანსი დაკარგა.

* 37 წლის მიროსლავ კლოზემ ბოლო 6 შეხვედრაში 5 გოლი გაიტანა.

* ტურინის "იუვენტუსი" ბოლო 26 ტურია, არ მარცხდება, ბოლო 10 ტურში კი "ბებერმა ქალბატონმა" იმარჯვა.

* "იუვენტუს არენაზე" "იუვენტუსი" ბოლო 15 ტურია, იმარჯვებს.

* სილვიო ბერლუსკონი თანახმაა, ჩინელ ინვესტორს "მილანის" აქციების 51% მიჰყიდოს.

* რიკარდო მონტოლივო "მილანთან" კონტრაქტს 2019 წლამდე აგრძელებს, კლუბი კი "სელტას" ნოლიტოს გაურიგდა.

* ტურინის "იუვენტუსი" "ვალენსიის" პორტუგალიელ ნახევარმცველ ანდრე გომეშს შეუთანხმდა. "ვალენსია" ფეხბურთელში 35 მილიონ ევროს აიღებს.

* ტურინის "იუვენტუსმა" მარიო ლემინა "მარსელისგან" გამოისყიდა.

* "ტორინოსთან" თამაშის მერე ანტონიო დი ნატალემ გამოაცხადა, რომ სეზონის დასრულებისთანავე "უდინეზედან" წავა.

"ინტერი" "ლაციოს" ესტუმრა, დამარცხდა და ჩემპიონთა ლიგაზე მოხვედრის თეორიული შანსიც დაკარგა. ამრიგად, მილანური გრანდი ვერც ამჯერად იასპარეზებს ევროპის უპრესტიჟულეს საკლუბო ტურნირზე და ევროპალიგით მოუწევს დაკმაყოფილება.

"ლაციომ" თამაშით აჯობა მეტოქეს და სრულიად დამსახურებულად გაიმარჯვა. აღსანიშნავია, რომ კიდევ ერთი გოლი შეაგდო მიროსლავ კლოზემ - 37 წლის ფორვარდისთვის ეს რიგით მე-5 გოლია ბოლო 6 პაექრობაში. შესაძლოა, მირომ კიდევ 1-წლიან კონტრაქტს გამოჰკრას ხელი და რომში დარჩეს. ახალი ხელშეკრულება სურს "ლაციოს" მთავარ მწვრთნელ სიმონე ინძაგის, რომელიც კარგად უძღვება საქმეს და კონტრაქტს თუ არა, ქებას ნამდვილად იმსახურებს.

მატჩის შემდეგ "ინტერის" მწვრთნელმა რობერტო მანჩინიმ მოკლე კომენტარი გააკეთა და განაცხადა, რომ მიმდინარე სეზონში მისი გუნდის მთავარი პრობლემა არასტაბილურობაა. რობერტო დარწმუნებულია, რომ გუნდი სწორ გზას ადგას და მომდევნო სეზონში გაცილებით უკეთ იასპარეზებს.

"მილანთან" მატჩის წინ "ფროზინონეს" თავკაცმა რობერტო სტელონემ ურცხვად განაცხადა, რომ "სან სიროზე" 3 ქულის ასაღებად ჩადიოდა. სენიორ სტელონეს მიზნის მიღწევამდე სულ ცოტა დააკლდა, რადგან სტუმრები ორჯერ იგებდნენ ორი ბურთის სხვაობით, საბოლოოდ კი მატჩი ფრედ დასრულდა - 3:3.

თამაშის აღწერას აღარ მოვყვებით, რადგან ეს ნაკლებად მნიშვნელოვანია, მთავარი კი მაინც ის კრიზისია, რომელშიც "მილანია" ჩაფლული და რომლიდან გამოსავალსაც გულშემატკივრები კლუბის გასხვისებაში ხედავენ. ბოლო დროს, სულ უფრო ხშირად ვრცელდება ცნობები, რომ მალე "მილანის" საკონტროლო პაკეტს ჩინელი ინვესტორი ჯეკ მა იყიდის, რომელიც 33.3 მილიარდ აშშ დოლარს ფლობს და მსოფლიოს უმდიდრეს ადამიანებში მე-18 ადგილზეა. ვნახოთ, რა მოხდება მომავალში, ჯერჯერობით კი "მილანი" შავ დღეშია...

"ფროზინონესთან" მატჩის შემდეგ მოკლე კომენტარი გააკეთა "როსონერის" ვიცე-პრეზიდენტმა ადრიანო გალიანიმ: "დასრულდეს სეზონი და სამომავლო გეგმებზე შემდეგ ვისაუბროთ. მანუელ პელეგრინი კარგი მწვრთნელია, მაგრამ დღეს გუნდს კრისტიან ბროკი უდგას სათავეში და იმედი მაქვს, რომ მისი თავკაცობით, ევროსაგზურს მოვიპოვებთ. ასე რომ, დაველოდოთ მოვლენათა განვითარებას".

კიდევ უფრო მოკლე კომენტარი გააკეთა კრისტიან ბროკიმ, რომელიც აღფრთოვანებული იყო შეგირდთა ბრძოლისუნარიანობით და დასძინა, რომ "მილანს" ყველაზე რთული ვითარებიდან შეუძლია გამოსავლის პოვნა.

ამასობაში, "მილანის მორიგი წაფორხილებით "სასუოლომ" ისარგებლა, სახლში "ვერონას" მოუგო და სატურნირო ცხრილში მე-6 ადგილზე გადავიდა. თუ იტალიის თასის ფინალში "იუვენტუსმა" "მილანს" მოუგო, ეს პოზიცია ევროპალიგაზე გამსვლელი იქნება - მოკლედ, "სასუოლო" ისტორიულ მიზანს უახლოვდება.

XXXVI ტური
30 აპრილი
უდინეზე-ტორინო 1:5
გოლები: 0:1 იანსონი (12), 0:2 ასკუა (45), 1:2 ფელიპე (47), 1:3 მარტინესი (50), 1:4 ბელოტი (56), 1:5 მარტინესი (83)
უდინეზე (3-5-2): კარნეზისი - ფელიპე, დანილო, ერტო - ალი ადნანი, კუზმანოვიჩი, ბადუ, ფერნანდესი (75. პირისი), ედენილსონი (62. პერიცა) - მატოსი (61. ალფრედსონი), ტერო
ტორინო (3-5-2): პადელი - ბოვო, იანსონი, სილვა - ძაპაკოსტა, ვივესი, ბენასი (71. ბაზელი), ასკუა, პერესი - მარტინესი (85. ედერა), ბელოტი
გაფრთხილება: ფელიპე, ერტო - ბოვო, სილვა
კუთხური: 8-4; ჯარიმა: 13-9; თამაშგარე: 0-4; კარში დარტყმა: 11-10 (5-6); ბურთის ფლობა: 44%-56%.
მაყურებელი: 16 000

კიევო-ფიორენტინა 0:0
კიევო (4-3-1-2): ბიძარი - კაჩატორე, ცეზარი, გამბერინი, გობი - რიგონი (80. კასტრო), რადოვანოვიჩი, ჰეტემაი - პეპე (66. ბირსა) - ინგლეზე (69. ფლორო ფლორესი), პელისიერი
ფიორენტინა (3-5-1-1): ტატარუშანუ - ტომოვიჩი, გონსალო, ასტორი - ტელიო (59. ბერნარდესკი), ფერნანდესი (80. ილიჩიჩი), ბადელი, ბორხა ვალერო, ალონსო - სარატე - კალინიჩი
გაფრთხილება: ცეზარი, გობი, კაჩატორე, პელისიერი - ტომოვიჩი, ფერნანდესი, ბადელი, სარატე
კუთხური: 2-6; ჯარიმა: 20-13; თამაშგარე: 1-0; კარში დარტყმა: 8-18 (4-6); ბურთის ფლობა: 45%-55%.
მაყურებელი: 13 000

1-ლი მაისი
იუვენტუსი-კარპი 2:0
გოლები: 1:0 ერნანესი (42), 2:0 ძაძა (80)
იუვენტუსი (3-5-2): ბუფონი - რუგანი, ბონუჩი, ევრა - კუადრადო (74. ლიხტშტაინერი), პოგბა, ერნანესი, ასამოა (85. სტურარო), სანდრო - მორატა (46. ძაძა), მანჯუკიჩი
კარპი (3-5-1-1): ბელეჩი - ძაკარდო, რომანიოლი, სუაგერი - საბელი, კოფიე, მარტინიო (66. ლაზანია), კრიმი (74. პორკარი), გალიოლო - ვერდი (85. დე გუზმანი) - მბაკოგუ
გაფრთხილება: ბონუჩი, რუგანი, ერნანესი, პოგბა, მანჯუკიჩი, ლიხტშტაინერი - მარტინიო, კრიმი
კუთხური: 5-2; ჯარიმა: 18-12; თამაშგარე: 1-0; კარში დარტყმა: 12-8 (3-2); ბურთის ფლობა: 71%-29%.
მაყურებელი: 38 000

მილანი-ფროზინონე 3:3
გოლები: 0:1 პაგანინი (2), 0:2 კრაგლი (44), 1:2 ბაკა (50), 1:3 დიონისი (54), 2:2 ანტონელი (74), 3:3 მენეზი (90-პენ)
მილანი (4-3-1-2): დონარუმა - აბატე (73. ანტონელი), ალექსი, რომანიოლი, დე შილიო - კუცკა, მონტოლივო, მაური (78. მენეზი) - ჰონდა (54. ლუის ადრიანო) - ბალოტელი, ბაკა
ფროზინონე (4-4-2): ბარდი - მ. ჩოფანი, რუსო, აიეტი, კრიველო (67. პრუმა) - პაგანინი, გორი, სამარკო, კრაგლი (80. როზი) - დიონისი (73. გუჩერი), დ. ჩოფანი
გაფრთხილება: კუცკა, ბალოტელი - ბარდი, კრაგლი, რუსო, სამარკო, გორი, დიონისი, პრუმა
კუთხური: 12-2; ჯარიმა: 22-22; თამაშგარე: 2-3; კარში დარტყმა: 18-6 (10-5); ბურთის ფლობა: 73%-27%.
მაყურებელი: 40 000

ემპოლი-ბოლონია 0:0
ემპოლი (4-3-1-2): პელაგოტი - ბიტანტე (78. ძამბელი), კოსტა, კოშიჩი, მარიო რუი - ზელინსკი, ელ ჰაჯი (65. მაიელო), კროჩე (86. ბუჩელი) - საპონარა - მაკარონე, პუჩარელი
ბოლონია (4-2-3-1): მირანტე - ფერარი (69. ცუნიგა), გასტალდელო, მაიეტა (54. ოიკონომუ), მაზინა - ბრიგი, დიავარა - მუნიერი (85. კრაფტი), ბრიენცა, ჯაკერინი - ფლოკარი
გაფრთხილება: მაზინა, ოიკონომუ (ბოლონია)
კუთხური: 0-3; ჯარიმა: 7-13; თამაშგარე: 5-3; კარში დარტყმა: 3-13 (1-6); ბურთის ფლობა: 55%-45%.
მაყურებელი: 10 000

პალერმო-სამპდორია 2:0
გოლები: 1:0 ვასკესი (19), 2:0 კრსტიჩიჩი (85-პენ.)
პალერმო (3-4-2-1): სორენტინო - ციონეკი, ვიტიელო, ანდელკოვიჩი - რისპოლი, ჰილემარკი, მარესკა, მორგანელა - ვასკესი (89. მატო), ტრაიკოვსკი (70. კუაიზონი) - ჯილარდინო
სამპდორია (3-5-1-1): ვივიანო - კასანი, რანოკია, სკრინიარი - დე სილვესტრი, ფერნანდო (46. მურიელი), სორიანო, კრსტიჩიჩი, დოდო - ალვარესი (82. სალა) - კვალიარელა
გაფრთხილება: მარესკა - ვივიანო, კასანი, დოდო, კრსტიჩიჩი, მურიელი
კუთხური: 3-5; ჯარიმა: 21-23; თამაშგარე: 4-3; კარში დარტყმა: 7-7 (4-5); ბურთის ფლობა: 39%-61%.
მაყურებელი: 20 000

სასუოლო-ვერონა 1:0
გოლი: 1:0 პელეგრინი (58)
სასუოლო (4-3-3): კონსილი - ვრსალკო, აჩერბი, კანავარო, ლონგი (70. ლონგი) - პელეგრინი, მანიანელი, დანკანი - სანსონე, ბერარდი (74. პოლიტანო), ფალჩინელი (84. მისიროლი)
ვერონა (4-2-3-1): გოლინი - პიზანო, მორასი, ბიანკეტი, ალბერტაცი (76. რომულო) - ვივიანი, გრეკო (66. რებიჩი) - ვსზოლეკი, იონიცა, სილიგარდი - ტალები (62. ტონი)
გაფრთხილება: ალბერტაცი (ვერონა)
კუთხური: 2-9; ჯარიმა: 11-21; თამაშგარე: 4-2; კარში დარტყმა: 5-13 (2-2); ბურთის ფლობა: 55%-45%.
მაყურებელი: 12 000

ლაციო-ინტერი 2:0
გოლები: 1:0 კლოზე (8), 2:0 კანდრევა (84-პენ)
ლაციო (4-3-3): მარკეტი - ბასტა, ჯენტილეტი, ბიშევაჩი, კონკო - ონაზი, ბილია (90. კატალდი), ლულიჩი - კანდრევა (89. სავიჩი), კეიტა, კლოზე (73. მაური)
ინტერი (4-2-3-1): ჰანდანოვიჩი - დამბროზიო, მურილიო, მირანდა, ნაგატომო (79. პალასიო) - კონდოგბია, მედელი (56. ბიაბიანი) - ბროზოვიჩი, იოვეტიჩი (72. ედერი), პერიშიჩი - იკარდი
გაფრთხილება: ჯენტილეტი, კანდრევა, ლულიჩი, კლოზე, კეიტა (ლაციო)
გაძევება: მურილიო (83. ინტერი)
კუთხური: 1-5; ჯარიმა: 17-11; თამაშგარე: 3-1; კარში დარტყმა: 7-11 (4-5); ბურთის ფლობა: 51%-49%.
მაყურებელი: 30 000

2 მაისი
ჯენოა-რომა 2:3
გოლები: 0:1 სალაჰი (6), 1:1 პანაიოტისი (13), 2:1 პავოლეტი (65), 2:2 ტოტი (77), 2:3 ელ შაარავი (87)
ჯენოა (3-5-2): ლამანა - იძო, ბურდისო, მუნიოსი - ფლამოცი (71. კაპელი), რინკონი, ჯემაილი, პანაიოტისი (61. მარკეზე), ლაქსალტი - სუსო (82. პანდევი), პავოლეტი
რომა (4-3-3): სჩესნი - მაიკონი (66. ჯეკო), მანოლასი, რუდიგერი, დინე - სტროტმანი, დე როსი, ნაინგოლანი - სალაჰი (88. ზუკანოვიჩი), ელ შაარავი, პეროტი (59. ტოტი)
გაფრთხილება: რინკონი, ლაქსალტი, მარკეზე - დე როსი, სტროტმანი, ტოტი
კუთხური: 6-9; ჯარიმა: 9-9; თამაშგარე: 1-7; კარში დარტყმა: 12-20 (5-9); ბურთის ფლობა: 41%-59%.
მაყურებელი: 22 000

ნაპოლი-ატალანტა 2:1
გოლები: 1:0 იგუაინი (10), 2:0 იგუაინი (77), 2:1 ალბიოლი (85-საკ. კარში)
ნაპოლი (4-3-3): რეინა - ჰიუსაი, ალბიოლი, კულიბალი, გულამი - ალანი, ჟორჟინიო, ჰამშიკი - ინსინიე (64. მერტენსი), კალეხონი (80. ელ ქადური), იგუაინი (84. გაბიადინი)
ატალანტა (4-2-3-1): სპორტიელო - მაზიელო, ტოლოი, ჯიმსიტი, დრამე - დე რუნი (83. კონტი), ჩიგარინი - კურტიჩი, დიამანტი (46. ფრეულერი), დალესანდრო (76. მონაკელო) - ბორიელო
გაფრთხილება: მაზიელო, ჯიმისტი (ატალანტა)
კუთხური: 5-3; ჯარიმა: 12-10; თამაშგარე: 5-2; კარში დარტყმა: 16-3 (10-1); ბურთის ფლობა: 59%-41%.
მაყურებელი: 40 000

ბომბარდირები: 30 - გონსალო იგუაინი (ნაპოლი); 16 - პაულო დიბალა (იუვენტუსი), მაურო იკარდი (ინტერი); 15 - კარლოს ბაკა (მილანი); 13 - იოსიპ ილიჩიჩი (ფიორენტინა).

მომდევნო ტური
7 მაისი:
ინტერი-ემპოლი, ბოლონია-მილანი

8 მაისი:
რომა-კიევო, სამპდორია-ჯენოა, კარპი-ლაციო, ფიორენტინა-პალერმო, ფროზინონე-სასუოლო, ატალანტა-უდინეზე, ვერონა-იუვენტუსი, ტორინო-ნაპოლი.

ყოველდღიური სპორტული გაზეთი "ლელო"