იტალიურ სპორტულ პრესაში გავრცელებული ინფორმაციის თანახმად, "იუვენტუსთან" კონტრაქტი ვეტერანებმა: ჯანლუიჯი ბუფონმა და ანდრეა ბარძალიმ გაახანგრძლივეს. ჯიჯის კონტრაქტი მომდევნო სეზონის ბოლოს იწურებოდა და ის კიდევ ერთი წლით გახანგრძლივდა, ანდრეას ხელშეკრულებას კი ამ ზაფხულს გასდის ვადა და მასთან 2-წლიანი კონტრაქტი გაფორმდა.
მოკლედ, ბუფონიც და ბარძალიც ტურინში კიდევ ორი სეზონი ითამაშებენ და სავარაუდოდ, კარიერას ერთად, 2018 წლის ზაფხულში დაასრულებენ. იმ დროისთვის, ბუფონი 40 წლის იქნება, ხოლო ბარძალი - 37-ის.
ჯანლუიჯი ბუფონი და ანდრეა ბარძალი "იუვენტუსის" ძირითადი შემადგენლობის ფეხბურთელები არიან - მიმდინარე სეზონში, პირველმა
"მხოლოდ ორი წელი დამრჩა ფეხბურთში, მაგრამ ამ მცირე დროში ბევრი ტიტულის მოგება შემიძლია.
რა თქმა უნდა, ჩვენს სამიზნეში რჩება სკუდეტო, რომელიც აგერ, უკვე 5 წელია, არავისთვის დაგვითმია. ასევე, ვეცდები, რომ კარიერაში პირველად ჩემპიონთა ლიგა მოვიგო. ეროვნულ ნაკრებთან ერთად, ევროპის ჩემპიონატის და მსოფლიოს ჩემპიონატის მოგება მინდა და ამისთვის ყველაფერს გავაკეთებ".
ყოველდღიური სპორტული გაზეთი "ლელო"
