პსჟ-ის შვედი ფეხბურთელი ზლატან იბრაჰიმოვიჩი საფრანგეთის ჩემპიონატში ნახევარი წელია თამაშობს და უკვე 18 გოლის გატანა მოასწრო.იბრას თამამი გამოთქმები ბევრს ახსოვს, შვედის საფირმო ფრაზები ჩვენმა ვებგვერდმა ერთხელ უკვე შემოგთავაზათ.
ახლა კი ფრანგულმა გამოცემა L'Equipe-მა იბრაჰიმოვიჩის "მილანიდან" პსჟ-ში გადასვლის შემდეგ მისი ყველაზე "კაშკაშა" ფრაზები შეკრიბა.
"მე თითქმის არაფერი ვიცი ლიგა 1-ზე, მაგრამ თავად ლიგა 1-ში კარგად მიცნობენ", - ზლატანის პირველი სიტყვები მისი ოფიციალური წარდგენის დროს.
"რა უვარგისი პასებია?" - სეზონის დასაწყისში იბრა ძალიან უკმაყოფილო იყო თანაგუნდელ ბლეიზი მატუიდით.
"ნკულუ? ვინ არის?
"გუნდი კი არა, ნეხვია!" - მარსელი-პსჟ-ის (2:2) მატჩის შესვენებაზე შვედმა თანაგუნდელებს უთხრა, თუ რას ფიქრობდა მათზე.
"ჩემი შვილიც კი უკეთ თამაშობს!" - "ტრუასთან" მატჩის შესვენებაზე, როცა პარიზული გუნდი მინიმალური ანგარიშით იგებდა, იბრა უკმაყოფილო იყო ანგარიშით. საბოლოოდ პსჟ-მა "ტრუა" გაანადგურა.
"ჩემი აზრით, იდეალური ადამიანი არ არსებობს. თუ ვინმე ამბობს, რომ ის იდეალურია, ესე იგი, ის ნამდვილი ნაგავია", - მორიდებული ზლატანი.
ასევე იხილეთ:
ზლატან იბრაჰიმოვიჩის 15 ფრთიანი ფრაზა - არსებობს მხოლოდ ზლატანის სტილი!
