"ოლიმპიაკოსის" მცველმა ერიკ აბიდალმა ფეხბურთელის კარიერის დასრულების შესახებ ოფიციალურად გამოაცხადა, - იტყობინება გამოცემა Get French Football-ი.35 წლის ფრანგმა პრესკონფერენცია გამართა, სადაც საკუთარი გადაწყვეტილება გააჟღერა.
აბიდალის სამომავლო გეგმები, სავარაუდოდ, "ბარსელონას" უკავშირდება, სადაც ის ადრე თამაშობდა.
მოსალოდნელია, რომ აბიდალი ესპანურ კლუბში ფუნქციონერის თანამდებობას დაიკავებს.
შეგახსენებთ, რომ კარიერის განმავლობაში აბიდალს "მონაკოში", "ლილში", "ლიონში", "ბარსელონასა" და "ოლიმპიაკოსში" უთამაშია. ის სამჯერ გახდა საფრანგეთის ჩემპიონი და სამჯერ მოიგო საფრანგეთის სუპერთასი.
გარდა ამისა, ფრანგი მცველი ოთხჯერ გახდა ესპანეთის ჩემპიონი, ორჯერ ესპანეთის თასის მფლობელი და სამჯერ ქვეყნის
საფრანგეთის ნაკრებში აბიდალი მსოფლიოს 2006 წლის მუნდიალის ვიცე-ჩემპიონი გახდა.
აღსანიშნავია, რომ კარიერის განმავლობაში აბიდალი ღვიძლის კიბოთი იყო დაავადებული, თუმცა ამ დაავადების დამარცხება შეძლო.
