საფრანგეთი. ლიგა 1. XXIII ტური: ათში ათი ყოველთვის კარგი არ არის [VIDEO]

ტური "პარი სენ ჟერმენმა" "რენთან" მოკრძალებული მოგებით გახსნა, თუმცა პარიზელების ერთადერთი გოლი მოკრძალებული ნამდვილად არ იყო - ამ ულამაზესი კომბინაციის აღწერას აზრი არ აქვს, თუ არ გინახავთ, აუცილებლად ნახეთ.

ასევე 1:0-ით და კიდევ უფრო მოკრძალებულად გააგრძელა ტური "მარსელმა", რომელსაც "ევიანის" დასამარცხებლად პენალტი დასჭირდა.

თერთმეტმეტრიანი, ცხადია, ანდრე-პიერ ჟინიაკმა შეასრულა და მე-14 გოლიც გაიფორმა. საინტერესოა, რომ "ევიანი" ცხრილის ბოლო 8 კლუბს შორის ერთადერთია, რომელმაც ამ ტურში წააგო.

ეს იმას ნიშნავს, რომ პსჟ და "მარსელი" ლიდერს მხოლოდ ორი ქულითღა ჩამორჩებიან, რადგან "ლუი მეორეზე" ცენტრალური მატჩიც ისეთივე უფერული იყო, როგორც თავად ეს მწირგოლიანი ტური, რომელშიდაც სულ 10 (!) ბურთი გავიდა, ამდენივე შეხვედრაში. "მონაკომ" და "ლიონმა", როგორც ვამბობთ ხოლმე, არც მწვადი დაწვეს და არც შამფური და უგოლოდ გაეყარნენ ერთმანეთს, თუმცა აუცილებლად აღვნიშნოთ, რომ ლიონელებს ლიგა 1-ის საუკეთესო ბომბარდირი ალექსანდრ ლაკაზეტი არ ჰყავდათ ტრავმის გამო.

სხვათა შორის, ჟინიაკის უახლოესი მდევარი კლაუდიო ბოვიუც არ აპირებს გაჩერებას და გვადალუპელის ჩემპიონატში მე-11 გოლით ჟოსელინ გურვენეკის "გენგამი" მორიგ სიურპრიზს გვიმზადებდა ჟირონდაში, მაგრამ "ბორდომ" ქულა გადაარჩინა. ვილი სანიოლს უკვე 6 ტურია, არ უმარჯვია.

საფრანგეთი. ლიგა 1. XXIII ტური
პსჟ-რენი 1:0
გოლი: 1:0 ლავეცი (29)
პსჟ (4-3-3): სირიგუ - მარკინიოსი, ტიაგო სილვა, დავიდ ლუისი, დინი - პასტორე (77. მატუიდი), კაბაი, რაბიო (57. ვერატი) - ლავეცი, კავანი (69. ლუკასი), იბრაჰიმოვიჩი

მარსელი-ევიანი 1:0
გოლი: 1:0 ჟინიაკი (49-პენ.)

ლანსი-ბასტია 1:1
გოლები: 0:1 ბუდებუზი (62-პენ.), 1:1 კანტარი (80-პენ.)

ლორიანი-მონპელიე 0:0

მეცი-ნიცა 0:0
გაძევება: მოპეი (73. ნიცა)

ნანტი-ლილი 1:1
გოლები: 0:1 დელაპლასი (14), 1:1 ვისკარონდო (80)

ტულუზი-რეიმსი 1:0
გოლი: 1:0 პეშიჩი (43)

კაენი-სტ. ეტიენი 1:0
გოლი: 1:0 ფერე (41)

ბორდო-გენგამი 1:1
გოლები: 0:1 ბოვიუ (28), 1:1 პუნჟე (55)
გაძევება: პლაშილი (79. ბორდო)

მონაკო-ლიონი 0:0
მონაკო (4-2-3-1): სუბაშიჩი - ფაბინიო, უოლასი, რაჯი (39. რ. კარვალიო), კურზავა - ტულალანი, მოუტინიო - დირარი (75. მარტიალი), ფერეირა კარასკო, ბერნარდო სილვა - ბერბატოვი

ბომბარდირები: 21 - ალექსანდრ ლაკაზეტი (ლიონი); 14 - ანდრე-პიერ ჟინიაკი (მარსელი); 11 - კლაუდიო ბოვიუ (გენგამი); 9 - ზლატან იბრაჰიმოვიჩი (პსჟ); 8 - შეიკ დიაბატე (ბორდო), ედინსონ კავანი (პსჟ), დანიელ ვასი (ევიანი), ნაბილ ფეკირი (ლიონი)

მომდევნო ტური
6 თებერვალი:
სტ. ეტენი-ლანსი

7 თებერვალი:
რენი-მარსელი, ბასტია-მეცი, კაენი-ტულუზი, ევიანი-ბორდო, მონპელიე-ლილი, რეიმსი-ლორიანი

8 თებერვალი:
გენგამი-მონაკო, ნიცა-ნანტი, ლიონი-პსჟ.

ყოველდღიური სპორტული გაზეთი "ლელო"