"სტად დე პრენსზე" ჩატარებულ მატჩში მასპინძლები რაფაელ ვარანის გოლით 21-ე წუთზე დაწინაურდნენ, თუმცა ბრაზილიელებმა ჯერ კიდევ შესვენებამდე შეძლეს გათანაბრება - თავი მე-40 წუთზე ოსკარმა გამოიჩინა.
პენტაკამპეონებმა ანგარიშში დაწინაურება 57-ე წუთზე ნეიმარის გოლით შეძლეს, საბოლოო ანგარიში კი 69-ე წუთზე ლუის გუსტავომ დააფიქსირა.
მომდევნო ამხანაგურ მატჩს ევრო 2016-ის მასპინძელი საფრანგეთი 29 მარტს, დანიის ეროვნულ გუნდთან გამართავს. იმავე დღეს ბრაზილია ჩილეს დაუპირისპირდება.
საერთაშორისო ამხანაგური მატჩი
26.03.15. სტად დე პრენსი
საფრანგეთი-ბრაზილია 1:3
გოლები: 1:0 ვარანი (21), 1:1 ოსკარი (40), 1:2 ნეიმარი (57), 1:3 გუსტავო (69).
საფრანგეთი: მანდანდა, სანია, ევრა, საკო, ვარანი, მატიუდი (84, ჟირუ), ვალბუენა (82, პაიეტი), სისოკო (74, კონდოგბია), შნეიდერლენი, გრიზმანი (74, ფეკირი), ბენზემა.
ბრაზილია: ჯეფერსონი, მირანდა, ფილიპე ლუისი, სილვა, დანილო, ვილიანი (83, დუგლას კოშტა), ლუის გუსტავო, ელიასი (90+2, მარსელო), ოსკარი (86, სოუზა), ფირმინო (88, ლუის ადრიანო), ნეიმარი.
მსაჯი: ნიკოლა რიცოლი.
* * *
კიდევ ერთ ამხანაგურ მატჩში, რომელშიც კოსტა რიკამ პარაგვაის უმასპინძლა, გოლი არ გასულა.
ერთნაირი ანგარიშით - 2:0, საკუთარ მოედანზე ირანის ნაკრებმა ჩილეს მოუგო, ეგვიპტემ - ეკვატორულ გვინეას, ხოლო კოტ დ'ივუარმა - ანგოლას.
