ლუიშ ფელიპე სკოლარიმ ნაკრებში ის 18 ფეხბურთელი გამოიძახა, ვინც 24 აპრილს ჩილესთან გასამართი მატჩისთვის უნდა მოემზადოს. ეროვნული გუნდი ბრაზილიაში მოასპარეზე ფეხბურთელებით არის დაკომპლექტებული, რადგან შეხვედრა ფიფას მიერ გამოყოფილ სანაკრებო დღეს არ იმართება. სკოლარიმ ისევ გამოიძახა "პალმეირასის" ერთ-ერთი გამორჩეული ფეხბურთელი და ბომბარდირი ლეანდრო, ვინც თავი ბოლივიასთან გამართულ ამხანაგურ შეხვედრაშიც გამოიჩინა. ასევე ნაკრებში არიან რონალდინიო, ჟადსონი და ლეანდრო დამიაო - ამ ფეხბურთელებს პრაქტიკულად უკანასკნელი შანსი ეძლევათ იმისთვის, რომ ნაკრებში თავი გამოიჩინონ და კონფედერაციის თასზე იასპარეზონ.
ბრაზილიის და ჩილეს ნაკრებთა მატჩი მომავალ ოთხშაბათს
მეკარეები: დიაგო კავალიერი (ფლუმინენსე), ჟეფერსონი (ბოტაფოგო).
მცველები: ანდრე სანტოსი (გრემიო), მარკოს როჩა (ატლეტიკო მინეირო), დედე (ვასკო და გამა), ენრიკე (პალმეირასი), რევერი (ატლეტიკო მინეირო).
ნახევარმცველები: ფერნანდო (გრემიო), ჟეანი (ფლუმინენსე), პაულინიო (კორინთიანსი), რალფი (კორინთიანსი), ჟადსონი (სან პაულო), რონალდინიო (ატლეტიკო მინეირო).
თავდამსხმელები: ალეშანდრე პატო (კორინთიანსი), ლეანდრო (პალმეირასი), ლეანდრო დამიაო (ინტერნასიონალი), ნეიმარი (სანტოსი), ოსვალდო (სან პაულო).
ყოველდღიური სპორტული გაზეთი "ლელო"
ასევე იხილეთ:
ბრაზილიის ნაკრებში კაკა გამოიძახეს, რონალდინიო – არა
