პირველი გოლები გავიდა A ჯგუფში, სადაც ტურნირის მასპინძელი თამაშობს.სამხრეთაფრიკელებმა, რომლებმაც პირველ ტურში კაბო ვერდეს ვერ მოუგეს, უმნიშვნელოვანესი გამარჯვება ანგოლის ნაკრებთან მოიპოვეს. "ბაფანა ბაფანა" დიდ უპირატესობას ფლობდა და გაცილებით დიდი ანგარიშით მოგებაც შეეძლო.
ანგარიში 30-ე წუთზე გაიხსნა: მასპინძელთა მცველი სიაბონგა სანგვენი სტანდარტულის დროს შეტევაში წავიდა და მეტოქის საჯარიმოში შექმნილ არეულობაში ყველაზე უკეთ გაერკვა – 1:0.
მეორე გოლი ცვლილებაზე შემოსულმა "კაიზერ ჩიფსის" ორმა ფეხბურთელმა შექმნა – რენეილვე ლეტშოლონიანემ ბურთი ლეჰლოჰონოლო მაჯოროს გადააწოდა, რომელმაც ანგოლელ მცველებს თავბრუ დაახვია და საბოლოოდ მეკარე ლამას
სტუმართა მხრიდან ყველაზე აქტიური მანუჩო იყო, მაგრამ "ვალიადოლიდის" ფორვარდს პარტნიორები სათანადოდ ვერ ეხმარებოდნენ. საბოლოოდ, 2:0 და სამხრეთ აფრიკამ პირველი გამარჯვება მოიპოვა. იმის გათვალისწინებით, რომ ტურნირის მასპინძელი ბოლო ტურში ძლიერ მაროკოს ნაკრებს ხვდება, ეს სამი ქულა მართლაც ძალიან მნიშვნელოვანი იყო.
სამხრეთ აფრიკა 2013. II ტური.
სამხრეთ აფრიკა-ანგოლა 2:0
გოლები: 1:0 სანგვენი (30), 2:0 მაჯორო (62).
მაროკო-კაბო ვერდე 1:1
თ მ ფ წ ბ ქ
1. სამ. აფრიკა 2 1 1 0 2-0 3
2. მაროკო 2 0 2 0 1-1 2
3. კაბო ვერდე 2 0 2 0 1-1 2
4. ანგოლა 2 0 1 1 0-2 1
ყოველდღიური სპორტული გაზეთი "ლელო"
ასევე იხილეთ:
აფრიკის თასი: ფავორიტს გაუჭირდა
