ესპანეთის ახალგაზრდული ნაკრები ევროპის ჩემპიონია [VIDEO]

ესპანეთის ახალგაზრდულმა ნაკრებმა ისრაელის დედაქალაქ იერუსალიმში წარმატებით დაიცვა ევროპის ჩემპიონის ტიტული. ხულიენ ლოპეტეგის გუნდის უპირატესობა იტალიელებზე აშკარა იყო.

ტიაგო ალკანტარამ ისკოს და ალვარო მორატას შესანიშნავი კომბინაციის შემდეგ თავურით გაიტანა.

მალევე იტალიელებმა გაათანაბრეს. ბიანკეტის 50-მეტრიანი პასით ჩირო იმობილემ იხეირა, მან დავიდ დე ხეას თავზე გადაუგდო ბურთი.

ამის შემდეგ "როხიტას" უპირატესობა იმდენად აშკარა გახდა, რომ სხვანაირად შეუძლებელი იყო - ტიაგომ ტაიმის ბოლომდე შეასრულა ჰეთ თრიკი, ჯერ თამაშიდან, შემდეგ ტელიოს წაქცევისთვის დანიშნული პენალტით.

65-ე წუთზე იტალიელები მონტოიას ეუხეშნენ საჯარიმოში და ყველა კითხვას პასუხი გაეცა - ისკომ 4:1 გახადა (არადა, ალკანტარა ჯერაც მოედანზე იყო).

ერთადერთი, რაც იტალიამ მოახერხა, ბორინის გოლი იყო, რომელიც შესანიშნავი კომბინაციის ასეთივე დაგვირგვინება იყო - ესპანეთის ახალგაზრდული ნაკრები ევროპის ჩემპიონია.

18.06. ევროპის ჩემპიონატი. ფინალი
იტალია-ესპანეთი 2:4
გოლები: 0:1 ტ. ალკანტარა (6), 1:1 იმობილე (10), 1:2 ტ. ალკანტარა (31), 1:3 ტ. ალკანტარა (38), 1:4 ისკო (65-პენ), 2:4 ბორინი (80)
იტალია (4-4-2): ბარდი - დონატი, ბიანკეტი, კალდიროლა, რეჯინი - ფლორენცი (58. საპონარა), როსი, ვერატი, ინსინიე - ბორინი, იმობილე (57. გაბიადინი).
ესპანეთი (4-3-3): დე ხეა - მონტონია, ი. მარტინესი, ბარტრა, მორენო - კოკე (86. ნაჩო კამაჩო), ილიარამენდი, ტ. ალკანტარა - ტელიო (70. მუნიაინი), მორატა (80. როდრიგო), ისკო.

ყოველდღიური სპორტული გაზეთი "ლელო"