20 ნოემბერს ბარსელონაში ლიონელ მესიმ კუთვნილი პრიზი ჩაიბარა - 26 წლის არგენტინელს გადაეცა ევროპის ბომბარდირისთვის დაწესებული "ოქროს ბუცი". ლეომ "ოქროს ბუცი" მესამედ მოიპოვა:"ოქროს ბუცი" ძალიან კარგი გუნდური ტიტულია. დიახ, გუნდური, რადგან ამ პრიზს ჩემით ვერაფრით მოვიპოვებდი. ჩემი თანაგუნდელების გარეშე, მათი პასების გარეშე. ამ პრიზს ჩემს ოჯახსა და ჩემს თანაგუნდელებს ვუძღვნი", - განაცხადა "ბარსელონას" ფორვარდმა.
ექსტრავაგანტური მორთულობის ჟაკეტში გამოწყობილმა ლეომ "ოქროს ბუცი" კიდევ ერთი ლეგენდისგან, ხრისტო სტოიჩკოვისგან მიიღო. ბულგარელმა მესის მალე გამოჯანმრთელება უსურვა:
"ნელნელა მოვმჯობინდი, ფეხი თითქმის აღარ მტკივა, მაგრამ
შეგახსენებთ, რომ გასულ სეზონში ლეო მესიმ 46 გოლი გაიტანა და "ოქროს ბუცისთვის" ბრძოლაში 90 ქულა დააგროვა. მეორე ადგილზე კრიშტიანო რონალდო გავიდა 68 ქულით, მესამე იყო ედინსონ კავანი (ნაპოლი) - 58 ქულით. ხუთეულში შევიდნენ: 4. რადამელ ფალკაო (ატლეტიკო) - 56 ქულა, ჯექსონ მარტინესი (პორტუ) და რობინ ვან პერსი (მანჩესტერ იუნაიტედი) - 52-52 ქულა.
ბოლო 5 სეზონია, "ოქროს ბუცი" მხოლოდ ლა ლიგის წარმომადგენლებს რჩებათ: დიეგო ფორლანს (ატლეტიკო, 2009), მესის (2010, 2012, 2013) და კრიშტიანო რონალდოს (2011). აღსანიშნავია, რომ სამჯერ ეს პრიზი მესის გარდა არავის მოუგია.
ყოველდღიური სპორტული გაზეთი "ლელო"
ასევე იხილეთ:
ლიონელ მესის "ოქროს ბუცს" ოთხშაბათს გადასცემენ
![მესის საგოლე პასი და ლაუტარო მარტინესის ულამაზესი გოლი პერუსთან [VIDEO]](/pictures/image7/25c06cac30defd4149f49eb371b8b6cb.jpg "მესის საგოლე პასი და ლაუტარო მარტინესის ულამაზესი გოლი პერუსთან [VIDEO]")
