ცნობილი ბულგარელი ფორვარდი ხრისტო სტოიჩკოვი რუსეთის პრეზიდენტს ვლადიმირ პუტინს საკუთარი ორი ჯილდოს დუბლიკატს აჩუქებს. საუბარია "ოქროს ბურთსა" და "ოქროს ბუცზე".ბულგარული პრესის ცნობით, აღნიშნული ჯილდოების დუბლიკატების გაკეთებას 4 თვე დასჭირდება.
დუბლიკატების გადაცემა გაზაფხულზე მსოფლიოს 2018 წლის ჩემპიონატის ორგანიზების ფარგლებში ერთ-ერთ ღონისძიებაზე მოხდება. შეგახსენებთ, რომ 2018 წლის ჩემპიონატი რუსეთში უნდა გაიმართოს.
ხრისტო სტოიჩკოვმა კარიერის საუკეთესო წლები "ბარსელონაში" (1990-1995, 1996-1997) გაატარა. ესპანური გრანდის რიგებში ის ოთხჯერ გახდა ქვეყნის ჩემპიონი, ხოლო 1991/92 წლების სეზონში ჩემპიონთა ლიგა მოიგო.
2004-2007 წლებში სტოიჩკოვი ბულგრათის ნაკრებს წვრთნიდა.
