ეჭვგარეშეა, ჩვენი დღევანდელი წერილი მკითხველს დააინტერესებს. დღეს უნდა დავწეროთ იმ ბიჭებზე, ჯერაც უწვერულნი რომ არიან, მაგრამ დრო სწრაფად გარბის - წესით, მალე ისინი მსოფლიო ფეხბურთის ვარსკვლავებად უნდა იქცნენ.ვინ არიან დღეს პლანეტის უნიჭიერესი თინეიჯერები? ჩვენი წერილი ამ საინტერესო თემას ეძღვნება...
ოდსონ ედუარი
პოზიცია: თავდამსხმელი
ქვეყანა: საფრანგეთი
კლუბი: პსჟ
დაბადების თარიღი: 1998 წლის 16 იანვარი
წარმოშობით გვინეელი ფორვარდი "სენ-ჟერმენში" 4 წლის წინ მოხვდა. გასულ სეზონში უნიჭიერესმა შემტევმა ფრანგული გრანდის იუნიორთა გუნდში 30 მატჩი ჩაატარა და 35 გოლი გაიტანა. ის მთავარი ვარსკვლავი
ფელიქს პასლაკი
პოზიცია: შემტევი ნახევარმცველი
ქვეყანა: გერმანია
კლუბი: დორტმუნდი
დაბადების თარიღი: 1998 წლის 29 მაისი
ჯერ კიდევ 14 წლის ასაკში აალაპარაკა მთელი გერმანია. არის გერმანიის 17-წლამდელთა და "დორტმუნდის" ამავე ასაკის გუნდის კაპიტანი. სწორედ მან გაიტანა ევროპის ჩემპიონატზე პირველი გოლი გერმანიის ნაკრების შემადგენლობაში, მერე კი დუბლი შეუსრულა ჩეხებს. არის უნივერსალი.
კრისტიან ბელიკი
პოზიცია: საყრდენი ნახევარმცველი
ქვეყანა: პოლონეთი
კლუბი: არსენალი
დაბადების თარიღი: 1998 წლის 4 იანვარი
ახალგაზრდული ასაკის მიუხედავად ბელიკმა უკვე მოასწრო თამაში პოლონეთის უმაღლეს ლიგაში ამ ქვეყნის გრანდის, "ლეგიას" შემადგენლობაში. სულ მალე 2,7 მილიონ გირვანქად ის ლონდონის "არსენალმა" იყიდა. არის ტექნიკური და სწრაფი. შეუძლია თამაში ცენტრალურ მცველადაც. ერთი ხანობა, მას ინდივიდუალურად ავაჯიშებდა "არსენალის" ყოფილი ვარსკვლავი რობერ პირესი.
ისმაილ აზაუი
პოზიცია: შემტევი ნახევარმცველი
ქვეყანა: ბელგია
კლუბი: ვოლფსბურგი
დაბადების თარიღი: 1998 წლის 6 იანვარი
კევინ დე ბრუინის გაყიდვიდან რამდენიმე საათში "ვოლფსბურგმა" გუნდში ბელგიელების რაოდენობა აღადგინა - "ტოტენჰემიდან" აზაუი იყიდა. აზაუი დიდებული იყო 17-წლამდელთა ევროპის ჩემპიონატზე. ბელგიის ნაკრებმა სულ 6 გოლი გაიტანა და აქედან 3 ისმაილის ანგარიშზეა. აქვს დიდებული დრიბლინგი და დაყენებული დატყმა.
ნიკოლა ვლაშიჩი
პოზიცია: შემტევი ნახევარმცველი
ქვეყანა: ხორვატია
კლუბი: ჰაიდუკი
დაბადების თარიღი: 1997 წლის 4 ოქტომბერი
მისი უფროსი ძმა, ბრანკი ვლაშიჩი ცნობილი მხტომელია. მამამისი, იოშო ვლაშიჩი კი ხორვატიაში მძლეოსნობის საუკეთესო სპეციალისტად ითვლება. 12 წლისა გადავიდა "ჰაიდუკში" და უკვე მოასწრო თავის გამოჩენა ევროპალიგის საკვალიფიკაციო ეტაპზე. "ტოტენჰემმა" ხორვატულ კლუბს 3 მილიონი შესთავაზა ვლაშიჩის სანაცვლოდ, თუმცა ხორვატები ვუნდერკინდს არ შეელივნენ.
ჰაშიმ მასტური
პოზიცია: შემტევი ნახევარმცველი
ქვეყანა: მაროკო
კლუბი: მალაგა
დაბადების თარიღი: 1998 წლის 15 ივნისი
რეჯო ემილიაში დაბადებულ მაროკოელს იტალიური კანონების მიხედვით აპენინების დატოვების უფლება 14 წლამდე არ ჰქონდა. ის "ინტერის" იუნიორთა გუნდში ბრწყინავდა. ბოლოს ფეხბურთელის აგენტი "მილანმა" მოთაფლა, გადაიხადა რა მილიონ ევროზე ოდნავ ნაკლები. მას უკვე ჰქონდა დებიუტი "როსონერის" ძირითად შემადგენლობაში. აქვს არნახული დრიბლინგი. დებიუტი ჰქონდა მაროკოს ნაკრებშიც. აგვისტოში ორწლიანი იჯარით წავიდა "მალაგაში".
ლინკოლნი
პოზიცია: შემტევი ნახევარმცველი
ქვეყანა: ბრაზილია
კლუბი: გრემიო
დაბადების თარიღი: 1998 წლის 7 ნოემბერი
მარტში ბრაზილიის ნაკრებმა პარაგვაიში გამართული სამხრეთამერიკის იუნიორთა ჩემპიონატი მოიგო. ლინკოლნმა იქ ორი გოლი შეაგდო და არაერთი საგოლე პასი უბოძა პარტნიორებს. აქვს უძლიერესი დარტყმა და ჯადოსნური მარცხენა. მისი გადაბირებით "მანჩესტერ იუნაიტედია" დაინტერესებული.
მარტინ ედეგორი
პოზიცია: შემტევი ნახევარმცველი
ქვეყანა: ნორვეგია
კლუბი: რეალი
დაბადების თარიღი: 1998 წლის 17 დეკემბერი
ედეგორი ერთი წლის წინ ყველა გრანდს სურდა, მაგრამ მან "რეალი" აირჩია. ის 105 ათას ევროს იღებს კვირაში. ედეგორი რონალდოსთან და ბეილთან ერთად ვარჯიშობს, მაგრამ მხოლოდ მეორე გუნდში თამაშობს. გასული სეზონის ბოლო ტურში "ხეტაფესთან" შეხვედრაში კრიშტიანო რონალდო შეცვალა და გახდა "სამეფო კლუბის" ყველაზე ახალგაზრდა მოთამაშე, ვინც ოდესმე მინდორზე გასულა.
ნიკოლას დელგადილიო
პოზიცია: შემტევი ნახევარმცველი
ქვეყანა: არგენტინა
კლუბი: ველეს სარსფილდი
დაბადების თარიღი: 1997 წლის 2 ოქტომბერი
არგენტინული სეზონის აღმოჩენა. "ველესის" მარცხენაფლანგელმა მაისის შუაში ზედიზედ სამ თამაშში გააკეთა საგოლე პასები. ნიკოლასი არ უფრთხის ორთაბრძოლებს და ამავე დროს, ძალიან ტექნიკურიცაა. მან უკვე მოასწრო თავის გამოჩენა არგენტინის ჩემპიონატში.
ლუკა იოვიჩი
პოზიცია: ფორვარდი
ქვეყანა: სერბეთი
კლუბი: ცრვენა ზვეზდა
დაბადების თარიღი: 1997 წლის 23 დეკემბერი
უდიდესი ტალანტი, მისთვის დიდი ხანი იბრძოდნენ "პარტიზანი" და "ცრვენა ზვეზდა". "პარტიზანმა" ლუკას მამას 200 დოლარიც კი შესთავაზა თვეში ჰონორარად, თუ ბიჭი მათთან გადავიდოდა. იოვიჩმა "ცრვენა" აირჩია და გახდა კლუბის ყველაზე ახალგაზრდა დებიუტანტი.
მან დაამხო რეკორდი, რომელიც 20 წლის წინ დეიან სტანკოვიჩმა დაამყარა. ის 16 წლის და 5 თვის იყო, როცა "ვოევოდინასთან" მატჩში შეცვლაზე შევიდა. ორ წუთში მან გოლი შეაგდო. ახალ სეზონში 4 ტურში სამჯერ აიღო მოწინააღმდეგეთა კარი.
ყოველდღიური სპორტული გაზეთი "ლელო"
