რა უთხრა მატერაციმ ზიდანს 10 წლის წინათ?

AutoSharing Option
2006 წლის 9 ივლისს, ბერლინის ოლიმპიურ სტადიონზე, მსოფლიოს ჩემპიონატის ფინალში იტალიის ნაკრებმა საფრანგეთს თერთმეტმეტრიანების სერიაში მოუგო და მეოთხედ გახდა პლანეტის უძლიერესი გუნდი.

იტალიელებმა ხუთივე პენალტი დიდებულად შეასრულეს, დავიდ ტრეზეგემ კი ბურთი ხარიხას გაარტყა და ასე დაუთმო ჩემპიონობა მეტოქეს.

ამ მატჩის 110-ე წუთი მიმდინარეობდა, როდესაც ზინედინ ზიდანმა მარკო მატერაცის თავი მკერდში ჩაარტყა და "სკუადრა აძურას" ცენტრალური მცველი ძირს დაანარცხა. არგენტინელ არბიტრ ორასიო ეპისონდოს გვერდითა მსაჯმა უკარნახა ინციდენტის შესახებ და მანაც მყისვე გააძევა მოედნიდან ლეგენდარული 10-იანი.

ეს, ალბათ, ყველაზე სკანდალური გაძევება იყო
მსოფლიო ფეხბურთის ისტორიაში, რადგან ერთი, რომ მუნდიალის ფინალში მოხდა და მეორე, ამ წითელი ბარათით ზინედინ ზიდანმა კარიერა დაასრულა.

ზიზუმ ტრიუმფის ნაცვლად, სკანდალი მიიღო, მატჩის ერთ-ერთი გმირი კი სწორედ მარკო მატერაცი გახდა და არა საფრანგეთის ნაკრების ლიდერი.

გარდა იმისა, რომ მატერაციმ მსაჯს ზიდანი გააგდებინა მოედნიდან, მან გოლიც გაუტანა ფრანგებს და შემდეგ თერთმეტმეტრიანების სერიაშიც ივარგა.

ზიდანი თუ მატერაცი?
ზიდანის და მატერაცის ეპიზოდი დღემდე არ კარგავს აქტუალობას, 10 წელიწადში კი ამ თემაზე უამრავი რამ შეიქმნა, მათ შორის, სიმღერები, კომპიუტერული თამაშები, ტანსაცმელი შესაბამისი დიზაინით, კომიქსები, წიგნები და ა.შ.

ამ თემაზე, პრაქტიკულად, ყველამ გამოთქვა საკუთარი მოსაზრება და საგულისხმოა, რომ პოზიციები რადიკალურად განსხვავდება ერთმანეთისგან. ბევრისთვის მატერაცი გმირია, რომელმაც გუნდის ინტერესები ყველაზე მაღლა დააყენა და ყველაფერი გააკეთა იმისთვის, რომ იტალიის ნაკრები მსოფლიოს ჩემპიონი გამხდარიყო. ბევრისთვის მარკო არამზადაა, რომელმაც მიზნის მისაღწევად მორალურ ზღვარს გადააბიჯა და გააკეთა ის, რისი გაკეთებაც დანაშაულის ტოლფასია.

ასევე, იყოფა აზრები ზიდანთან დაკავშირებით - ბევრისთვის ის გმირია, რომელიც ღირსების შელახვას არავის აპატიებს, ნაწილი კი მიიჩნევს, რომ ზიზუმ გუნდი გაწირა და საკუთარი ინტერესები ნაკრებზე, ან, გნებავთ, ქვეყანაზე მაღლა დააყენა. აი, მაგალითად, რას ამბობს საფრანგეთის ნაკრების მაშინდელი მწვრთნელი რაიმონ დომენეკი:

"როდესაც ტიერი ანრიმ ირლანდიას გოლი ხელით გაუტანა და ჩვენ გავედით მსოფლიოს ჩემპიონატზე, მან საკუთარი იმიჯი შესწირა გუნდის ინტერესებს, რაც უნდა დავუფასოთ. აი, ზიდანმა კი საკუთარ ღირსებას შესწირა გუნდის ინტერესები, რაც ჩემთვის სრულიად მიუღებელია.

მომწონს, როდესაც ადამიანი საკუთარ თავზე მაღლა საერთო ღირებულას, ამ შემთხვევაში კი ქვეყნის ინტერესს აყენებს".

რა უთხრა მატერაციმ ზიდანს?
და მაინც, რა უთხრა ასეთი მატერაციმ ზიდანს, რომელმაც პირდაპირი მნიშვნელობით, თავი ვერ შეიკავა და მეტოქეს მკერდში ჩაარტყა? - მარკომ იუმორისტული წიგნიც კი გამოუშვა სათაურით: "სინამდვილეში, რა ვუთხარი ზიდანს?" - თუმცა, ამ წიგნში მატერაციმ 250 შესაძლო ვერსია გამოაქვეყნა და მკითხველს კიდევ უფრო აუბნია თავგზა.

იყო სრულიად უწყინარი, ძირითადად, ასეთი ვერსიები: "ზიზუ, ტოტი უკეთესად ურტყამს პენალტს, ვიდრე შენ" - ან ასეთი: "ზიზუ, დაგვიბრუნეთ ჯოკონდა" - გასაგებია, რომ ასეთი ფრაზების გამო ზიდანი მატერაცის თავს არ ჩაარტყამდა და ამ წიგნით მარკომ საიდუმლოს არათუ ახადა ფარდა, კიდევ უფრო მეტი ინტრიგა შესძინა.

თუ რა მოხდა სინამდვილეში, ამის შესახებ მატერაციმ ფრანგულ ჟურნალ "ეკიპთან" ისაუბრა და ყველაფერი ნათელი გახდა - იტალიის ნაკრების მცველი დიალოგს დეტალებში იხსენებს:

- ზიდანი მატერაცის: მაისურზე ნუ მქაჩავ, თუ ასე მოგწონს, გაგიცვლი თამაშის შემდეგ.
- მატერაცი ზიდანს: მაისური არ მინდა, შენი ბოზი და მირჩევნია...

სწორედ ამ გადაძახილს მოჰყვა ერთ-ერთი ყველაზე სკანდალური ეპიზოდი მსოფლიო ფეხბურთის ისტორიაში, "ეკიპმა" კი მატერაცის კიდევ არაერთი კითხვა დაუსვა ამ თემის და ზოგადად, ფინალური მატჩის გარშემო, რომელსაც ქვემოთ გთავაზობთ...

- ნანობთ იმას, რაც ზიდანს უთხარით?
- სკანდალების მოყვარული არასდროს ვყოფილვარ და ამიტომ ჩემთვის უსიამოვნოა ის, რაც მოხდა. თუმცა, გარწმუნებთ, რომ გაცილებით უარესები მომისმენია რომში, ნეაპოლში, მილანში, ტურინში და ზოგადად, იტალიურ სტადიონებზე. შესაძლოა, ჩვენი ფეხბურთი უფრო ბინძურია, მაგრამ არ მეგონა, თუ ზიდანი ასე გამოვიდოდა წყობიდან. დამიჯერეთ, მისი გაძევება არ ყოფილა ჩემი მიზანი.

- შეცვალა თქვენი ცხოვრება იმ ეპიზოდმა?
- სიმართლე გითხრათ, ჩემი ცხოვრება იმ ორმა გოლმა შეცვალა, რომლებიც მსოფლიოს ჩემპიონატის ფინალში გავიტანე: ერთხელ თავით და მეორედ თერთმეტმეტრიანების სერიაში. მე მსოფლიოს ჩემპიონი ვარ და შესაბამისად, ტყუილად არ მიცხოვრია.

- დრო რომ უკან დაბრუნდეს, იმავეს ეტყოდით ზიდანს?
- ის ფრაზა ემოციურ ფონზე ვთქვი და დრო რომ უკან დაბრუნდეს და ყველაფერი გააზრებული მქონდეს, ასეთ ფრაზას ნამდვილად არ ვიტყოდი. კიდევ ერთხელ ვამბობ, რომ ჩემი მიზანი ზიდანის მოედნიდან გაგდება არ ყოფილა და ეს უბრალოდ, ემოციური გადაძახილი იყო. მატჩის დასრულებამდე 10 წუთი რჩებოდა და დიდი მნიშვნელობა არ ჰქონდა, დარჩენილ დროში საფრანგეთი კაცნაკლული იქნებოდა თუ არა.

- ბევრისთვის თქვენ გმირი ხართ, ბევრს კი ეზიზღებით...
- არც ზიზღს ვიმსახურებ და არც სიყვარულს ვითხოვ. მე მსოფლიოს ჩემპიონი ვარ და ეს მყოფნის იმისთვის, რომ ვიყო ბედნიერი.

ყოველდღიური სპორტული გაზეთი "ლელო"
მკითხველის კომენტარები / 18 /
რა სისულეებს წერთ, კაცი ღირსებას რომ დათმობს, იგი არც ქვეყნისთვის ივარგებს და არც არავისთვის...ზიდანი დარჩება ყველა დროის საუკეთესო ფეხბურთელად და ღირსეულ ადამიანად, მატერაცი კი იქნება სიმულაციების და უღირსებობის სინონიმი...
asurbanifali
11 აგვისტო 2016 11:15
3
ზიდანი ყველა დროის საუკეთესო ფეხბურთელი!
ფანი
12 ივლისი 2016 01:21
1
ზიდანს და მატერაცს არც ჰევადარებ ერტმანეტს ზიდანს უბრალოდ არ ეკადრებოდა ეგეტი ..... ტავის გასვრა
giorgi
04 აგვისტო 2016 17:57
1
არის რაღაცეები, რომლებიც არათუ ქვეყანაზე, არამედ თვით სიცოცხლეზე მეტია. ერთერთი აქედან ღირსებაა. ამიტომ ზიდანის ქმედება არის ისეთი ქცევა, რომელსაც დღეს კაცები იშვიათად სჩადიან. დის რა ღირსების დაცვაზეა საუბარი როცა თანამედროვე ,,ვაჟკაცი" ბიჭები ერთ ადგილსაც თავისუფლად მისცემენ, ოღონდაც რაღაც სარგებელი მიიღონ.ამიტომაც ყოჩაღ ზიდანი. დიახ კაცუნას, სწორედ იმ წუთში და იმ ადგილზე უნდა გასცე საკადრისი პასუხი ნაბიჭვარს.
me var me
24 ივლისი 2016 23:09
2
იტალიაში თუ მოსულა გინება, ყველასთან კი არ უნდა მოიყვანო, მოკლედ გაუფუჭა კარიერა უძლიერეს ფეხბურთელს და პიროვნებას, ჩემთვის ერთ–ერთი ლეგენდაა ზიდანი ფეხბურში.
jemali
11 ივლისი 2016 17:28
2
ვატო 100%-ინი ხარ.მატერაცი, ფეხბურთელიც ბინძური მჩეხავი იყო,ხოლო ამ არაკაცობისთვის,როგორც ცნობილია ბუფონისგანაც საკმაოდ მოხვდა გასახდელში.ცუდი ისაა,რომ არა ზიდანი ეს არაკაცი (თუნდაც ჩემპიონი)დღეს არავის ეხსომებოდა.
sake
11 ივლისი 2016 17:13
1
არც შევადარებ კაცა არაკაცს
geria
04 აგვისტო 2016 17:59
2
მატერაცი სულ ასეთი არაკაცი იყო, ისე ზიდანი მარტო მაგ მომენტის გამო არ მოიქცა ასე, მთელი თამაში ტვინს უბურღავდა ეგ იყო მწვრთნელის დავალება, ზიდანის კარიერას თუ გადავხედავთ ეგეც კაი არაკაცი იყო თითქმის ყოველ მეორე თამაშზე არასპორტულად იქცეოდა
soccer
26 ივლისი 2016 16:56
2
მატერაცი ცუდად მოიქცა, თუმცა ზიზუს მეტი ჭკუა-გონება მართებდა, ამ სიტუაცუაში, როცა ქვეყნის ეროვნული მაისური ეცვა და მსოფლიოს ფინალს თამაშობდა. ფებურთიდან კაცურად წასვლა ძალიან პათეტიკურად ჟღერს... დაიცავი ბოლომდე შენი ქვეყნის ინტერესები, თავის ჩარტყმა მერეც შეიძლებოდა როცა ყველაფერი მორჩებოდა. იტალიელები კიდევ რისი იტალიელები არიან თავიანთი მოქმედებით თავი მსოფლიოს თუ არ დაამახსოვრეს. მოკლედ მათ გარეშე ფეხბურთი მოსაწყენი იქნებოდა, თუ შოუ გინდათ დაუძახეთ მათ და აუცილებლად შემოგთავაზებენ :) კაცობა და ამბავი მერე მოედანს გარეთ
hm
12 ივლისი 2016 09:11
1
კი ბატონო, ზიზუ გენიოსი იყო. მაგრამ ჩვენ სხვაზე გავამახვილოთ ყურადღება. მატერაცი - იტალიელი, ჩვენსავით სამხრეთელი და ცხელსისხლიანი, წერს: პირადი ღირსება არ უნდა შესწირო ქვეყნის ინტერესესს, ანუ შეურაცყოფა უნდა გადაეყლაპაო. ჩვენ კი ყველა ვამბობთ: ზიდანი მაგარია, კაცურად დაამთავრა კარიერა. ასეცაა - ზიზუ აფრიკელია, და არ მოითმინა. ჰო და ჩვენც აფრიკელები ვართ, ვაქებთ, მაგარიაო. მე კი მიმაჩნია, თუ მხოლოდ შენ გეხება მოთმენა არ მოთმენა - როგორც ჩათვალო საჭიროდ - ისე ქენი. მაგრამ როცა შენი სამშობლოს სახელს წარმოადგენენ - ნამდვილად გმართებს ტკივილის (ფიზიკური და მორალური) ატანა.
alexandre
11 ივლისი 2016 22:22
2

სიახლეები პოპულარული