9 აგვისტოს ნორვეგიის ქალაქ ტრონჰეიმში უეფას სუპერთასის მატჩი გაიმართება. ჩემპიონთა ლიგის გამარჯვებული მადრიდის "რეალი" ევროპალიგის გამარჯვებულ "სევილიას" შეხვდება. უეფამ ამ შეხვედრის არბიტრი უკვე დანიშნა - შეხვედრას სერბი მილორად მაჟიჩი უმსაჯებს. 43 წლის მაჟიჩი ევრო 2016-ს ემსახურებოდა, სადაც მისმა ბრიგადამ სამი შეხვედრა განსაჯა. თუმცა მის კარიერაში ყველაზე მნიშვნელოვანი თამაში ტრონჰეიმის დაპირისპირება იქნება.
შეგახსენებთ, რომ შარშან ევროპის სუპერთასი საქართველოს დედაქალაქში გაიმართა. მაშინ "ბარსელონამ" "სევილია" დამატებით დროში 5:4 დაამარცხა.
ყოველდღიური სპორტული გაზეთი "ლელო"
