28 აგვისტოს საქართველოს კალათბურთელთა ნაკრები ტრიესტეს საერთაშორისო ტურნირში ჩაება.
პირველ მატჩში იგორ კოკოშკოვის გუნდი, რომელიც ევრობასკეტისთვის ემზადება, მასპინძელ იტალიას შეხვდა, ბრწყინვალედ ეთამაშა და მხოლოდ ქულით დამარცხდა - მასპინძლებმა 91:90 მოიგეს.
პირველი ტაიმი (პირველი ორი მეოთხედი) იტალიის ნაკრებმა ბოლო წამზე ჩაგდებული სამქულიანის წყალობით მოიგო 48:45.
მესამე მეოთხედის ბოლო წამზე ჯეიკობ პულენმა სამქულიანი ჩააგდო და მინიმუმდე დაიყვანა იტალიის უპირატესობა - 71:70.
ბოლო მეოთხედის პირველ წამებში თორნიკე შენგელიამ ჩატენა და საქართველოს ნაკრები პირველად გავიდა წინ - 71:72.
თამაშის დასრულებამდე 30 წამით ადრე ვიქტორ სანიკიძემ სამქულიანით სტუმრები ისევ წინ გაიყვანა - 89:90, საპასუხო შეტევაში დელა ვალემ ჩააგდო - 91:90. 9 წამით ადრე იგორ კოკოშკოვმა წუთშესვენება აიღო. პულენის სამქულიანი აცდა, მაგრამ ვერც ფაჩულიამ დაამატა და საბოლოოდ იტალიის ნაკრებმა 91:90 იტალიის ნაკრების სასარგებლოდ.
29 აგვისტოს საქართველოს ნაკრების მეტოქე რუსეთის ნაკრები იქნება (22:30), 30 აგვისტოს კი ჩვენი გუნდის მეტოქე მიჩიგანის უნივერსიტეტი (20:00) იქნება.
ასევე დაგაინტერესებთ
!["ვირტუსი" "ტორტონასთან" დამარცხდა და სერიის გამარჯვებულს მე-5 მატჩი გადაწყვეტს [VIDEO]](/pictures/image7/949e588048bcb9cae0d1a1246244f803.jpg "\"ვირტუსი\" \"ტორტონასთან\" დამარცხდა და სერიის გამარჯვებულს მე-5 მატჩი გადაწყვეტს [VIDEO]")
უძრავი ქონება
სიახლეები
პოპულარული
წარმატებები ბიჭებო