საქართველოს კალათბურთელთა ნაკრების მთავარი მწვრთნელობის ერთ-ერთი კანდიდატი ბერძენი სპეციალისტი ილიას ზუროსი თბილისშია.შეგახსენებთ, რომ ჯერ კიდევ ორი კვირის წინათ უცხოურმა სააგენტოებმა გაავრცელეს ცნობა, რომ საქართველოს ნაკრების მწვრთნელობის კანდიდატი ზუროსია. ამ ინფორმაციას საფუძველი რომ ჰქონდა, მოგვიანებით კალათბურთის ფედერაციაშიც დაგვიდასტურეს.
როგორც ჩანს საქმე სერიოზულადაა, რასაც ილიას ზუროსის თბილისური ვიზიტიც ადასტურებს. იგი საქართველოშია და სუპერლიგის მატჩებსაც ესწრება. როგორ დასრულდება მოლაპარაკებები, ამას უახლოეს დღეებში შევიტყობთ.
მანამდე კი მოგახსენებთ, რომ 49 წლის მწვრთნელი ამჟამად უმუშევარია და გადაწყვეტილი აქვს მხოლოდ სანაკრებო საქმიანობით დაკავდეს. საკლუბო კარიერაში დროებითი
მას შემდეგ რა ნაკრების მწვრთნელობის კანდიდატთა სიას იგორ კოკოშკოვი გამოაკლდა, სამი კანდიდატი დარჩა - ილიას ზუროსი და ორი სერბი სპეციალისტი. თუმცა უკანასკნელთა ვინაობა ჯერ არ გაუმხელიათ.
