დღეს, 14 სექტემბერს, საქართველოს კალათბურთელთა ეროვნულმა ნაკრებმა ევროპის 2017 წლის ჩემიონატის შესარჩევ F ჯგუფში ბოლოსწინა, მეხუთე შეხვედრა თბილისში, სლოვაკეთის ნაკრების წინააღმდეგ ჩაატარა.ჩვენმა ნაკრებმა მეტოქეს ანგარიშით 96:68 სძლია და პრაქტიკულად, ევრობასკეტის საგზურიც გაინაღდა. 31 ქულით ქართველთაგან საუკეთესო თორნიკე შენგელია იყო.
დღეს ღამით საქართველოს ნაკრები მონტენეგროში გაემგზავრება, სადაც 17 სექტემბერს, თბილისის დროით 23:00 საათზე F ჯგუფის ბოლო, მეექვსე შეხვედრას ჯგუფის ლიდერ მონტენეგროს ნაკრებთან გამართავს.
