გიორგი ცინცაძე გასულ სეზონში უკრაინის ჩემპიონი კიევის "ბუდიველნიკთან" ერთად გახდა, წლეულს კი "დონეცკის" ღირსებას იცავს. 25 ნოემბერს სწორედ ეს ორი გუნდი დაუპირისპირდა ერთმანეთს. ამ შეხვედრამდე "დონეცკს" უკრაინის პირველობაზე შვიდივე მატჩი მოგებული ჰქონდა, თუმცა მოქმედ ჩემპიონთან სტუმრად ვერას გახდა და პირველი მარცხიც იწვნია - 55:82.
გიორგი ცინცაძემ ყოფილი გუნდის წინააღმდეგ მატჩი სასტარტო ხუთეულში დაიწყო, თუმცა 10 წუთი ითამაშა და მხოლოდ 1 ქულასა და 2 შედეგიან გადაცემას გამორჩა. მის თანაგუნდელთაგან ყველაზე მეტი ბენ მაქკოლიმ ჩააგდო - 16 ქულა.
ყოველდღიური სპორტული გაზეთი "ლელო"
