თორნიკე შენგელიამ "ჩიკაგო ბულსში" პირველი ქულები დააგროვა. 22 თებერვალს გამთენიისას, "დენვერ ნაგეტსთან" მოგებულ მატჩში ჩიკაგოელთა ქართველმა ფორვარდმა 3,15 წუთი ითამაშა და შეხვედრა 2 ქულით დაასრულა.
"ბულსმა" "დენვერი" დამაჯერებლად - 117:89 დაამარცხა, რითაც გამარჯვებათა სერია 5 მატჩამდე გაზარდა. მატჩის მიწურულს ტიმ ტიბოდომ განაცხადში მყოფ ყველა კალათბურთელს მისცა თავის გამოჩენის შანსი. შენგელიამ ერთადერთი ორქულიანი ზუსტად შეასრულა და 1 პერსონალური ჯარიმა მიიღო.
ჩიკაგოელთაგან 10-ქულიან ზღვარს ერთბაშად 7-მა კალათბურთლმა მიაღწია, რომელთაგან უმეტესი - 22 ქულა - დიჯეი აუგუსტინმა დააგროვა. 20 ქულა ჰქონდა ტონი სნელს,
"ჩიკაგოს", რომელსაც 29 მოგება და 25 მარცხი აქვს და ამ შედეგით აღმოსავლეთ კონფერენციაში მე-4 ადგილზეა, მომდევნო მატჩი 24 თებერვალს, სტუმრად "მაიამისთან" ელის.
წყარო: gbf.ge
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
