ვიქტორ სანიკიძის "უნიქსმა" ვითიბი ლიგაზე პირველი მარცხი განიცადა. ყაზანელებმა შინ ვერაფერი გააწყვეს "ნიჟნი ნოვგოროდთან" - 78:89.ვერ ვიტყვით, ვიქტორს რომ ეთამაშა, "უნიქსი" მოიგებდაო, მაგრამ ფარქვეშ მისი გუნდი უკეთესად რომ ითამაშებდა, ფაქტია. მასპინძლებმა ბურთი მხოლოდ 28-ჯერ მოხსნეს, მაშინ, როდესაც "ნოვგოროდმა" 35 მოხსნა მიითვალა.
თუ დაგაინტერესებთ, იმასაც მოგახსენებთ, რომ "ნიჟნი ნოვგოროდს" ლატვიელი მწვრთნელი აინარს ბაგაცკისი ხელმძღვანელობს, რომელიც სამიოდე წლის წინათ "სოხუმს" წვრთნიდა.
* * *
მოსკოვის ცსკა მანუჩარ მარკოიშვილის გარეშე გაუსწორდა "კრილია სოვეტოვს" - 92:51.
მოსკოველებს უახლოესი შეხვედრა ევროლიგაზე ელით, 14 ნოემბერს
თამამად შეიძლება ითქვას, რომ ვითიბი ლიგის გუშინდელი მატჩისგან განსხვავებით, ევროლიგის ამ შეხვედრაზე ბევრი რამაა დამოკიდებული.
ყოველდღიური სპორტული გაზეთი "ლელო"
