ლუკა ბულაშვილი, 16 წლის პერსპექტიული ქართველი კალათბურთელი, რომელმაც გასულ ზაფხულს ესპანელი მწვრთნელის, ხუან ნავაროს მიერ თბილისში მოწყობილ კემპზე თავი გამოიჩინა, ესპანეთის 16 და 18-წლამდელთა ჩემპიონატებში წარმატებით თამაშობს.ლუკა საშუალოდ მატჩში 24.5 ქულას, 11 მოხსნას და 7 პასს აგროვებს. ბოლო ტურში, რომელიც მისმა გუნდმა "ტორბელინომ" "გრან კანარიასთან" დაძაბულ ბრძოლაში წააგო, ბულაშვილმა 19 ქულა და 10 მოხსნა მოაგროვა.
ბულაშვილი საქართველოს 16-წლამდელთა ნაკრების წევრია და ესპანეთში მიღებული გამოცდილება მის განვითარებას და მაღალი დონის კალათბურთელად ჩამოყალიბებას დიდად წაადგება.
წყარო: superleague.ge
