თორნიკე შენგელიას გუნდს ძალები არ ეყო საიმისოდ, რომ ევროლიგის ისტორიაში ერთ-ერთი ყველაზე კერკეტი გუნდი სტუმრად დაემარცხებნა. ესპანურმა "ლაბორალ კუჩამ" პირეოსში, "ოლიმპიაკოსს" პირველი ტაიმი 37:28 მოუგო, მაგრამ საბოლოოდ გამარჯვებამდე მაინც ვერ მივიდა. ბერძნულმა გრანდმა მეორე ტაიმი 48:27 მოიგო და გამარჯვებაც მასპინძლებს დარჩათ - 76:64.
შენგელია სასტარტო ხუთეულში იყო და მოედანზე ჯამში 18:05 წუთი გაატარა. თორნიკე იყო სტუმართა გუნდის იმ ორ კალათბურთელს შორის, რომელთა ქულების მონაგარიც ორციფრიანი რიცხვით გამოიხატა. ვიტორიელთაგან 12 ქულით ბომბარდირი დარიუს ადამსი გახდა, ხოლო შენგელიამ 10 ქულა მიითვალა.
ქართველმა
ესპანურმა გუნდმა ვერ მოახერხა "ოლიმპიაკოსის" ლიდერის, ვასილის სპანულისის შეჩერება. ვეტერანმა სუპერვარსკვლავმა 27 ქულა და 6 პასი მიითვალა და მატჩის ბედის გადაწყვეტაში საკუთარი წვლილი ფასდაუდებელი გახადა.
მორიგ მატჩს შენგელიას გუნდი 29 იანვარს შინ "ემპორიო არმანისთან" გამართავს.
![Sportall.Ge](/pictures/artimages/image17/4d4a1283117f49bf3201dda4481474f9.jpg "თორნიკე შენგელიას 10 ქულა "ლაბორალს" "ოლიმპიაკოსთან" გასამარჯვებლად არ ეყო")
წყარო: www.gbf.ge
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
