ბექა ბურჯანაძის საუკეთესო მატჩი მიმდინარე სეზონში. ესპანეთის რანგით მეორე - LEB-ლიგაში ახალგაზრდა ქართველი ფორვარდის გუნდმა "ლეიმა ბასკეტმა" სეზონის პირველი გამარჯვება მოიპოვა.ეს მოხდა მე-4 ტურში "ბრეგანის" წინააღმდეგ, რომელიც ლაკორუნიულმა გუნდმა შინაურ კედლებში 71:62 დაამარცხა.
გამარჯვებაში ლომის წილი მიუძღვის ბექა ბურჯანაძეს. 21 წლის ფორვარდმა სასტარტო ხუთეულში ითამაშა და მოედანზე 26 წუთი დაჰყო. ამ ხნის განმავლობაში ბექამ 4-დან 1 ორქულიანი, 7-დან 4 სამიანი და 2-დან 2 საჯარიმო ჩააგდო. ბურჯანაძემ 16 ქულა მოაგროვა, რასაც 9 მოხსნა, 2 ჩაჭრა და 1 პასი მოაყოლა.
მარგი
ამ მოგებით ლაკორუნიელებმა თავი დააღწიეს 16-გუნდიანი ლიგის ფსკერს და მე-13 ადგილზე განთავსდნენ. მომდევნო ტურში, 31 ოქტომბერს, ბურჯანაძის გუნდი სტუმრად "პალმა ეუროპას" შეხვდება.
მომზადებულია gbf.ge-ს მიხედვით
