იტალიაში ვიქტორ სანიკიძე და მანუჩარ მარკოიშვილი ერთდროულად რომ თამაშობდნენ, ერთმანეთს მეოთხედფინალში დაუპირისპირდნენ - იგებდა იმის გუნდი, რომელი ქართველიც მეოთხე პერიოდში გაილაღებდა. მეგობრების დუელი თურქეთშიც გაგრძელდა, მანუს "დარუშაფაკამ" ვიქტორის "ტედ კოლეჯი" მიიღო და 82:69 დაამარცხა, თუმცა ძალიან გაუჭირდა.
მეოთხე პერიოდი "ქართულ დაჭერობანად" იქცა: დარუშაფაკელები მატჩის დასრულებამდე 7 წუთით ადრე 16 ქულით დაწინაურდნენ (64:48). ასეთი სხვაობა მასპინძლებს დამშვიდების საფუძველს აძლევდა, თუმცა არ დამშვიდებულა კოლეჯელი სანიკიძე, რომელმაც 48-ზე გაყინული სტუმრები სამქულიანით გამოაფხიზლა.
ამას მოჰყვა "დარუშაფაკას" "გამყინვარება", რითაც "ტედ კოლეჯმა" კარგად ისარგებლა და სხვაობა
გაყინული 64-ის გალღობა მანუჩარ მარკოიშვილმა იკისრა, სამქულიანით სხვაობა 8-მდე გაზარდა, თუმცა საპასუხო შეტევაში ისევ ვიქტორმა სტყორცნა შორეული სამქულიანი და ისევ -5.
მანუმ არ დათმო - კიდევ ერთი სამიანი გაისროლა და მიზანშიც მოარტყა... მოკლედ, ქართველებმა მეოთხე პერიოდში 9-9 ქულა ჩააგდეს. გამარჯვება კი მანუს დარჩა.
მარკოიშვილის სტატისტიკა: 25 წუთი, 15 ქულა (6/4 სამქულიანი), 3 მოხსნა, 1 პასი.
სანიკიძის მონაგარი: 32 წუთი, 12 ქულა, 7 მოხსნა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
