ესპანეთის რანგით მეორე ლიგაში ბექა ბურჯანაძის გუნდმა მარცხი განიცადა. ქართველი ფორვარდის "ლეიმა ბასკეტმა" ლა კორუნიაში "სან პაბლო ბურგოსს" უმასპინძლა და დაძაბულ ბრძოლაში - 66:73 წააგო.
გარდამავალი უპირატესობით მიმდინარე მატჩის მე-3 მეოთხედის ბოლოს ანგარიში თანაბარი იყო. ბოლო პერიოდი სტუმრებმა უკეთ ჩაატარეს, 19:12 იმარჯვეს და საბოლოოდ წარმატებასაც მიაღწიეს.
ბურჯანაძე სასტარტო ხუთეულში იყო და მთლიანობაში მოედანზე 26 წუთი გაატარა. ბექამ 7-დან 5 ორქულიანი ჩააგდო, 2 სამიანი კი ააცილა. 10 ქულასთან ერთად ქართველმა ფორვარდმა 3 მოხსნა, 1 პასი და 1 ჩაჭრა მიითვალა. ლაკორუნიელთაგან 16
1 მოგებითა და 5 მარცხით "ლეიმა ბასკეტი" 16-გუნდიან ლიგაში მე-14 ადგილზეა. მომდევნო შეხვედრა ლაკორუნიელებს 11 ნოემბერს, სტუმრად "კასტელოსთან" ელით.
მომზადებულია gbf.ge-ს მიხედვით
