საქართველოს ნაკრების უკანახაზელი მანუჩარ მარკოიშვილი ევროლიგის განვლილი ტურის სიმბოლურ ნაკრებში მოხვდა. მასთან ერთად ხუთეულში შეიყვანეს მალაგის "უნიკახას" გამთამაშებელი ედვინ ჯექსონი, "ცრვენა ზვეზდას" პერიმეტრის მოთამაშე სტეფან იოვიჩი, "სტრასბურის" უკანახაზელი ლუის კემპბელი და "ლიმოჟის" კონგოელი თავდამსხმელი ნობელ ბუნგოუ კოლო.
სიმბოლურ ნაკრებში მოხვედრილ ყველა კალათბურთელს თავისი შეფასება აქვს. სხვები ნაკლებად გვაინტერესებს, ჩვენთვის მთავარია, რას წერენ მანუჩარ მარკოიშვილზე:
"ქართველი განგსტერი დიდი ხანია კრიმინალური ელიტის წევრია. ახალი სამიზნე აღმოსავლეთში აღმოაჩინა, სეზონის დასაწყისში თურქულ "დარუშაფაკაში" ჩაირიცხა.
ჩვენი მხრივ დავძენთ, რომ სტამბოლელები ევროლიგაზე მორიგ მატჩს 20 ნოემბერს იტალიაში, "დინამო სასარის" წინააღმდეგ ჩაატარებენ.
ყოველდღიური სპორტული გაზეთი "ლელო"
