ბექა ბურჯანაძის პროგრესი გრძელდება. ქართველმა ფორვარდმა ესპანეთის რანგით მეორე ლიგაში მორიგი დიდებული მატჩი ჩაატარა. 10 დღის წინ ბურჯანაძემ 33 ქულა ჩაუგდო "კასტელოს", თუმცა მისი გუნდი, ლაკორუნიული "ლეიმა ბასკეტი" 1 ქულით დამარცხდა, ახლა კი ბექას მექულეობამ შედეგი გამოიღო. ლაკორუნიელებმა სტუმრად "პრატ ხუვენტუდი" 81:60 გაანადგურეს, ქართველმა ლეგიონერმა კი გამარჯვებულებს 27 ქულა მიაშველა.
ბურჯანაძის გუნდი აუტსაიდერთა შორისაა, თუმცა რეალურად მაღალი ამბიციები აქვს და დამსახურებულადაც: ლაკორუნიელებს ბედი არ სწყალობთ და თამაშებს ბოლო წუთებზე, ხანდახნ წამებზეც კი აგებენ. უბრალოდ, ფორტუნა მათ მხ
ბურჯანაძე სასტარტო ხუთეულში იყო და მოედანზე 32 წუთი დაჰყო. ბექამ 10-დან 7 ორქულიანი, 4-დან 3 სამიანი და 5-დან 4 საჯარიმო ჩააგდო. შედგად ქართველ ფორვარდს 27 ქულა დაუგროვდა, რასაც მან 9 მოხსნა და 1 პასი მოაყოლა. ბურჯანაძის შემდეგ ყველაზე მეტი - 13 ქულა - მისმა თანაგუნდელმა ვიქტორ მარტოსმა მოაგროვა.
ბურჯანაძის გუნდს 9 ტურის თავზე 2 გამარჯვება აქვს და 16-გუნდიან ლიგაში მე-14 ადგილზე იმყოფება. მორიგი მატჩი ლაკორუნიელებს 28 ნოემბერს, შინ "კოკინასთან" ელით.
მომზადებულია gbf.ge-ს მიხედვით
