თურქეთში შეკრებაზე მყოფი ქართველი მოჭიდავეები სტამბოლის "დარუშაფაკას" ქართველმა ლეგიონერმა, მანუჩარ მარკოიშვილმა მოინახულა. აღნიშნულ ინფორმაციას და მარკოიშვილის მოჭიდავეებთან გადაღებულ ფოტოს ჭიდაობის ფედერაციის ვებგვერდი ავრცელებს.ბერძნულ-რომაული სტილით მოჭიდავეთა საქართველოს ნაკრები თურქეთში იმყოფება და მომავალი მნიშვნელოვანი ტურნირებისთვის ემზადება. საქართველოს საკალათბურთო ნაკრების უკანახაზელი კი თურქეთის ერთ-ერთი წამყვანი გუნდის ღირსებას იცავს და თანამემამულე სპორტსმენების სტამბოლში მონახულების შანსი ხელიდან არ გაუშვა.
მომზადებულია gbf.ge-ს მიხედვით
