ბექა ბურჯანაძის მორიგი წარმატება ესპანეთის მეორე დივიზიონში. სეზონის უშედეგოდ დაწყების შემდეგ ქართველი ფორვარდის "ლეიმა ბასკეტმა" ბოლო 6 მატჩიდან მე-5 გამარჯვება მოიპოვა. ლაკორუნიელთა მორიგი მსხვერპლი ნავაროული "პლანასა" გახდა, რომელსაც "ლეიმა ბასკეტმა" 74:70 მოუგო.ბურჯანაძეს ამჯერად შთამბეჭდავი ციფრები არ დაუფიქსირებია, თუმცა საკუთარ გუნდში მაინც საუკეთესო იყო. ბექამ 29 წუთი ითამაშა და 9 ქულა, 10 მოხსნა, 3 პასი, 2 დაფარება და 1 ჩაჭრა მიითვალა.
ქართველმა ფორვარდმა 2-დან 1 ორქულიანი, 6-დან 1 სამიანი და 6-დან 4 საჯარიმო ჩააგდო. საბოლოოდ ბურჯანაძეს მარგი ქმედების 18 ერთეული
ერთი საინტერესო მომენტიც: "პლანასას" შემადგენლობაში ითამაშა წინა ტურის საუკეთესო მოთამაშედ აღიარებულმა ოლივერ არტიაგამ, რომელმაც "ლეიმა ბასკეტთან" შეხვედრა ბურჯანაძეზე ნაკლები შედეგიანობით დაასრულა. მისმა მარგი ქმედების კოეფიციენტმა 12 შეადგინა.
6 მოგებითა და 8 მარცხით "ლეიმა ბასკეტმა" 16-გუნდიან ლიგაში მე-10 ადგილზე აინაცვლა. მომდევნო მატჩს ლაკორუნიელები 30 დეკემბერს, სტუმრად "ლეიდასთან" ჩაატარებენ.
მომზადებულია gbf.ge-ს მიხედვით
