მანუჩარ მარკოიშვილის შედეგიანი მატჩი. ქართველმა უკანახაზელმა თავი თურქეთის ერთ-ერთ მოწინავე გუნდთან გამოიჩინა. მისი 16 ქულა მნიშვნელოვანი დახმარება იყო "დარუშაფაკასთვის", რომელმაც თურქეთის ჩემპიონატის მორიგ ტურში "ბეშიქთაშს" 99:86 სძლია.
მარკოიშვილი სასტარტო ხუთეულში იყო და მოედანზე 29 წუთი გაატარა. ქართველმა უკანახაზელმა შესაშური სამიზნე გამოავლინა და 4-დან 4-ივე სამქულიანი ჩააგდო. ამას მანუჩარმა 3-დან 2 ორიანიც მოაყოლა და შეხვედრა 16 ქულით, 2 პასით და 1 მოხსნით დაასრულა. ქართველმა უკანახაზელმა 2 ჯარიმა მიიღო და ბურთი ერთხელ დაკარგა. მარკოიშვილთან ერთად გამარჯვებაში ლომის წილი დაიდო 17 ქულის მიმთვლელმა ჟამონ ლუკასმა და სემიჰ ერდენმა (14).
7 მოგებითა და 4 მარცხით მარკოიშვილის გუნდს "გალათასარაისა" და "ფენერბაჰჩეს" კვალზე თურქეთის ჩემპიონატში მე-3 ადგილი უკავია. 24 დეკემბერს, მორიგ ტურში "დარუშაფაკა" სტუმრად "ტრაბზონსპორს" შეხვდება.
მომზადებულია gbf.ge-ს მიხედვით
13:58 21-12-2015
მანუჩარ მარკოიშვილის 16 ქულა და გამარჯვება "ბეშიქთაშთან" [VIDEO]
AutoSharing Option
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ასევე დაგაინტერესებთ
უძრავი ქონება
107.00 k
150.00 k
სიახლეები
პოპულარული
