დასანანი მარცხი განიცადა მანუჩარ მარკოიშვილის გუნდმა ევროლიგაში. სტამბოლელები ათენში "პანათინაიკოსს" შეხვდნენ და მატჩი დაძაბულ ბრძოლაში, ბოლო წამებზე - 79:82 დათმეს.მარკოიშვილი სასტარტო ხუთეულში იყო და 28:20 წუთი ითამაშა. მანუჩარმა ერთნაირი წარმატებით ესროლა როგორც ახლო, ისე შორი მანძილებიდან და ორივე შემთხვევაში 3 ცდიდან 1 ტყორცნა გამოიყენა. შედეგად ქართველ უკანახაზელს 5 ქულა დაუგროვდა, რასაც მან 4 მოხსნა, 2 პასი და თითო ჩაჭრა-დაფარება მოაყოლა. მარკოიშვილის პასივში 6 დაკარგვა გახლდათ.
დარუშაფაკელთა შორის 26 ქულით ჟამონ გორდონი გამოირჩა, ხოლო 18 ქულა ლიუკ ჰარანგოდის ანგარიშზე დაგროვდა.
5 ტურის თავზე მოუგებლად რჩება "დარუშაფაკა", რომელიც ჯგუფის უპირიბო აუტსაიდერია და ევროლიგაში მომდევნო მატჩს 4 თებერვალს, შინ "ცრვენა ზვეზდასთან" ჩაატარებს.
მომზადებულია gbf.ge-ს მიხედვით
