ზაზა ფაჩულიას "დალას მავერიკსს" პლეი ოფში გასვლა სათუო გაუხდა. ტეხასელებს დარჩენილ 9 მატჩში დიდი ძალისხმევა მოუწევთ, რომ სეზონი რეგულარულ ჩემპიონატთან ერთად არ დაასრულონ. დალასელებმა დღეს, გამთენიისას, დასავლეთ კონფერენციის ერთ-ერთ აუტსაიდერ "საკრამენტოსთან" სტუმრად წააგეს.
შეხვედრა უხვქულიანი გამოდგა. მასპინძლებმა 133:111 იმარჯვეს, რითაც დალასელებს წარმატების შანსი არ დაუტოვეს.
ნაოპერაციევ ჩანდლერ პერსონსთან ერთად "მავერიკსს" ტრავმირებული დერონ უილიამსიც აკლდა, რომლის ადგილიც სასტარტო ხუთეულში ჯეი-ჯეი ბარეამ დაიკავა.
რაც შეეხება ფაჩულიას, ქართველი ცენტრი სათადარიგო იყო და მოედანზე 14 წუთით გამოჩნდა, რის განმავლობაშიც 2 ქულა და 1 მოხსნა
დალასელთაგან ერთბაშად 8 კალათბურთელი ასცდა 10-ქულიან ზღვარს, რომელთაგან ყველაზე მეტი - 15 ქულა რეიმონდ ფელტონმა მიითვალა. სასტარტო ხუთეულში ცენტრის პოზიციაზე მოთამაშე სალაჰ მეჯრიმ მოედანზე 7 წუთი გაატარა და 2 ქულას, 2 მოხსნას და 1 პასს დასჯერდა.
35 მოგებითა და 38 წაგებით "დალასი" დასავლეთ კონფერენციაში მე-9 ადგილზეა. მომდევნო მატჩს ფაჩულიას გუნდი 29 მარტს სტუმრად "დენვერთან" გამართავს.
მომზადებულია gbf.ge-ს მიხედვით
!["2+1" - რა ფოტოს აქვეყნებს ფაჩულია "გოლდენ სტეიტის" მორიგი ჩემპიონობის შემდეგ [PHOTO]](/pictures/image7/18d55b767c968851e93dbc58de20707b.jpg "\"2+1\" - რა ფოტოს აქვეყნებს ფაჩულია \"გოლდენ სტეიტის\" მორიგი ჩემპიონობის შემდეგ [PHOTO]")
