საქართველოს ნაკრების კალათბურთელის თორნიკე შენგელიას გუნდმა "ბასკონიამ" ევროლიგის რეგულარულ ჩემპიონატში მე-14 ტურის მატჩი 23 დეკემბერს, სტუმრად ბერძნულ "პანათინაიკოსთან" ჩაატარა და მინიმალური სხვაობით დამარცხდა - 68:69.
ათენში გამართულ შეხვედრაში, სტუმართა ქართველი ფორვარდი სასტარტოში არ ყოფილა, თუმცა, თავის გუნდში ყველაზე შედეგიანი იყო. თორნიკემ მოედანზე გატარებულ 22:18 წუთში 17 ქულა და 5 მოხსნა მიითვალა, რასაც თითო ჩაჭრა და პასი დაუმატა. შენგელიას 14 ორქულიანიდან მიზანს 6-მა უწია, 5 საჯარიმოდან კი ყველა ზუსტი იყო.
შეხვედრა დაძაბულად წარიმართა, პირველი ტაიმი კი სულაც ესპანური გუნდის გამარჯვებით 41:37 დასრულდა. ბერძნებმა მოგება დასკვნით 10 წუთში მოპოვებული უპირატესობის ხარჯზე მოახერხეს. შეხვედრაში ყველაზე შედეგიანი მასპინძელთა ამერიკელი ცენტრი კრის სინგლტონი იყო 23 ქულით, 5 მოხსნითა და 1 ჩაჭრით.
"ბასკონიას" ევროლიგაზე 9 მოგება და 5 მარცხი აქვს, მომდევნო მატჩს კი 29 დეკემბერს შინ თელ-ავავის "მაკაბისთან" ჩაატარებს.
11:59 24-12-2016
თორნიკე შენგელიას 17 ქულა "ბასკონიას" ევროლიგაზე მოსაგებად არ ეყო [VIDEO]
AutoSharing Option
მკითხველის კომენტარები / 1 /
მოწონებების მიხედვით
თარიღის მიხედვით
42% სიზუსტე თამაშიდან...ცუდი სტატიატიკაა და იმედია გამოასწორებს თოკო!
0
0
ყველა კომენტარი
გააკეთეთ კომენტარი
ასევე დაგაინტერესებთ
![შენგელიას შედეგიანი მატჩი და "ვირტუსის" მარცხი "ბაიერნთან" [VIDEO]](/pictures/image7/a8fa5e7304e13f638a40980a22fddc2b.jpg "შენგელიას შედეგიანი მატჩი და \"ვირტუსის\" მარცხი \"ბაიერნთან\" [VIDEO]")
უძრავი ქონება
სიახლეები
პოპულარული
