1/2 ფინალისოხუმი-თსუ 71:81
24:18, 16:24, 12:11, 19:28
სოხუმი: ჩერქეზიშვილი (8ქ, 3პ, 6ჩ), თავართქილაძე (7ქ, 6პ), მაჩალაძე (5ქ, 10მ, 4ჩ), როგავა, მეხრიშვილი, სულაბერიძე (3ქ, 5მ), სანაძე (24ქ, 6მ, 4ჩ, 2დ), კორძაძე (24ქ, 6მ), ძიძიშილი
თსუ: ს. ლეჟავა (15ქ, 6მ), ახალაია (3ქ), ორმოცაძე (5პ), ბექაური (17ქ, 12მ, 3ჩ), ზ. მაისურაძე (5მ), დეკანოიძე (24ქ, 17მ), ჩქარეული (22ქ, 7მ, 5პ), სანაია
ქუთაისი-სტუ 66:77
16:24, 16:23, 15:9, 19:21
ქუთაისი: ცაგარეიშვილი (2ქ), გრძელიძე (3პ), ჯინჭარაძე (6ქ), ბერძენაძე (2ქ), მესხი (7ქ), ტუკვაძე (4ქ, 8მ), ცირეკიძე (17ქ, 11მ), ლომინაშვილი
სტუ: ტეტელაშვილი (3ქ), გურაბანიძე, ჩიკვილაძე (28ქ, 7პ, 3ჩ), ლომოური (14ქ, 6მ, 3ჩ), ჭოხონელიძე (4ქ, 5მ, 3პ, 2დ), ლაშქარაძე (3ქ), დვალიშვილი (25ქ, 21მ, 3ჩ, 3დ), მაღრაძე
დვალიშვილი, ჩიკვილაძე, სანაძე, ბექაური... ეს კალათბურთელები წლევანდელ სუპერლიგაში გამორჩეულები იყვნენ. თავად განსაჯეთ, რამდენად საინტერესოა მათი მონაწილეობით 20-წლამდელთა ჩემპიონატის ხილვა. ნახევარფინალში თანაბრად ძლიერი ოთხი გუნდი გავიდა და იშვიათი მოვლენის მომსწრენი ვართ - ფავორიტის გამოყოფა შეუძლებელია.
ნახევარფინალური სერიის პირველი მატჩების მეოთხედებს გადახედეთ და თავადაც დარწმუნდებით, რაოდენ თანაბარ ბრძოლაში წარიმართა შეხვედრები.
თბილისში თსუ-მ ბოლო პერიოდში გამოგლიჯა გამარჯვება "სოხუმს". სტუდენტთა რიგებში დავით დეკანოიძე (24 ქულა, 17 მოხსნა), ბექა ბექაური (17 ქულა, 12 მოხსნა) და ვახტანგ ჩქარეული (22 ქულა) გამოირჩნენ. მატჩის ბომბარდირობა კი სოხუმელებმა დუდა სანაძემ და დავით კორძაძემ გაიყვეს - 24-24 ქულა.
ქუთაისში სტუ-ს გამთამაშებელი გივი ბაქრაძე არ გაჰყვა (სუპერლიგის ფინალებისთვის "არმიაში" ემზადება), თუმცა სტუდენტებმა მის გარეშეც გაიმარჯვეს - 77:66. გემახსოვრებათ, სწორედ ამ ლამაზი ანგარიშით დაამარცხა საქართველოს ნაკრებმა ბოსნია, 1995 წელს.
ქუთაისური შეხვედრის სნაიპერი ბექა ჩიკვილაძე გახდა - 28 ქულას მოუყარა თავი, ხოლო მისმა თანაგუნდელმა აკაკი დვალიშვილმა ეფექტური ორმაგი დუბლი გაიფორმა - 25 ქულა, 21 მოხსნა.
სერიის განმეორებითი შეხვედრები დღეს სპორტის სასახლეში გაიმართება.
