"ამ სახლში ცხოვრობდა ყველა დროის ერთ-ერთი საუკეთესო კალათბურთელი, ევროპის ჩემპიონთა თასის მფლობელი, სპორტის დამსახურებული ოსტატი და მწვრთნელი, ღირსების ორდენის კავალერი ლევან ინწკირველი", - ასეთი მემორიალური დაფა ამშვენებს სახლს, რომელიც ლარსის ქუჩა 4-ში მდებარეობს.მემორიალური დაფის გახსნაზე გუშინ ლევან ინწკირველის მეგობრები და ოჯახის ახლობლები შეიკრიბნენ. დაფიდან კი ფარდა მისმა შვილიშვილმა, პატარა ლევან ინწკირველმა ჩამოხსნა.
ჩემპიონთა თასის მფლობელი, რომელსაც გუშინ 84 წელი შეუსრულდებოდა შარშან გარდაიცვალა. იგი ვეტერანმა დინამოელმა ვაჟა ჟღენტმა ასე დაახასიათა:
- კარგია, რომ დავიწყებას არ ეძლევა ღვაწლმოსილი სპორტსმენის სახელი. არადა,
ვაჟა გვანცელაძემ განაგრძო:
- ლევანმა კალათბურთი 16 წელი ითამამაშა, მასთან ერთად გუნდში 10 წლის განმავლობაში ვირჯებოდი. ინწკირველის გვერდზე ასპარეზობა სასიამოვნო იყო. იგი მრავალმხრივი არამიანი გახლდათ, ბილიარდსაც შესანიშნავად თამაშობდა და ფეხბურთსაც. მახსოვს, დიღომში ფეხბურთელებთან ერთად შეკრებაზე ვიყავით. ლევან ინწკირველი და ვაჟა ღღენტი ორ მათგანს ფეხბურთში გაეჯიბრნენ და მოუგეს.
ილარიონ ხაზარაძეს ლევან ინწკირველთან ერთად 1962 წელს ჩემპიონთა თასი აქვს მოგებული:
- ძნელია ჩემთვის მეგობრის გახსენება, რომელთანაც 10 წელი ვითამაშე. თუმცა, კარგია, რომ ქალაქს მისი მემორიალური დაფაც დაამშვენებს.
ბოლოს ლევან ინწკირველის მონაგარს გაგაცნობთ. იგი იყო ევროპის ჩემპიონთა თასის მფლობელი 1962 წელს; საბჭოთა კავშირის სამგზის ჩემპიონი 1950, 1953, 1954 წლებში; სამგზის მეორე 1959, 1960, 1961 წლებში და ორგზის მესამე პრიზიორი 1948, 1952-ში; სამგზის საბჭოთა კავშირის თასის მლობელი 1949, 1950, 1951 წლებში. ლევან ინწკირველი 1963-64-ში თბილისის ”დინამოს”მოთამაშე მწვრთნელი გახლდათ, ხოლო მთავარი მწვრთნელად 1968-70 წლებში მუშაობდა. მისი ხელმძღვანელობით გუნდი გახდა საბჭოთა კავშირის ჩემპიონი (1968), მეორე პრიზიორი (1969) და თასის მფლობელი (1969).
