ვითიბი ლიგაზე "ვითამ" იბრძოლა, მაგრამ მაინც წააგო [VIDEO]

11 იანვარს თბილისის "ვითამ" ვითიბი ლიგის მე-15 ტურის მატჩი ითამაშა - ფინურ "ბაიზონსს" ესტუმრა და 73:89 დამარცხდა. ეს "ვითას" ზედიზედ მე-15 მარცხია ლიგაში. აღსანიშნავია, რომ წინა მატჩებისგან განსხვავებით, "ვითამ" ამჯერად იბრძოლა და მხოლოდ ბოლო მეოთხედში ჩამორჩა.

შეხვედრამ დაგვანახა, რომ თუნდაც საერთაშორისო დონეზე გამოცდილ ორ კალათბურთელს გუნდში ბევრი რამის შეცვლა შეუძლია. "ვითას" შემადგენლობაში ითამაშეს ომარ ტომასმა და ანდრე ჯონსმა.

პირველი ტაიმი მთლიანად თანაბარი გამოვიდა, თუმცა დიდი შესვენების წინ კოივისტომ საკუთარი ნახევრიდან ჩაგდებული სამქულიანით "ბაიზონსი" 50:42 დააწინაურა. საფინალო სირენამდე 15 წუთით ადრე ტაბლოზე თანაბარი ანგარიში ეწერა (54:54), თუმცა ამის შემდეგ ფინელებმა ფინელობა გამოამჟღავნეს, მათ ამერიკელებმაც მხარი აუბეს, სამქულიანს სამქულიანი მიაყოლეს (სულ 11 შორეული ტყორცნა გამოიყენეს) და 16-ქულიანი სხვაობითაც გაიმარჯვეს.

ნიკოლაის მაზურსი (ვითა): "ჩვენ ისევ გვაქვს შემადგენლობის მხრივ პრობლემები. თუმცა მეტოქეს ნამდვილი ბრძოლა მაინც გავუმართეთ. იმდენი კალათბურთელიც არ გვყავს, რომ 5X5-ზე ვივარჯიშოთ".

მომდევნო ტურის მატჩს თბილისური კლუბი 16 იანვარს, სტუმრად ვოლგოგრადში "კარსნი ოკტიაბრთან" ჩაატარებს.

ვითიბი ლიგა. XV ტური
11 იანვარი
ბაიზონსი-ვითა 89:73
24:25, 26:17, 17:16, 22:15
ბაიზონსი: ზენო (26ქ), ჰილი (6ქ), სეპელა (11ქ), ოიალა (2ქ), ნელსონი (9ქ), კოტი (4ქ, 4დ), კოივისტო (12ქ), ბურტჩი (8ქ), მაკალაინენი (2ქ), უდანოხი (9ქ, 12მ).
ვითა: ჩლაიძე (5ქ, 4პ), ტომასი (22ქ, 13მ), ჯონსი (15ქ, 8მ), შენგელია (9ქ, 9მ, 3პ), სტარატელევი (9ქ), მაისურაძე, ანიკიენკო (13ქ, 5მ).
მსაჯები: ა. მახლინი (რუსეთი), ა. ოზოლსი (ლატვია), ს. ბელიაკობვი (რუსეთი).