"სოხუმი" ევროჩელენჯისთვის ბალტიისპირეთში ნაყოფიერად რომ მოემზადა უკვე გაცნობეთ. გუნდის შემადგენლობა ჩამოყალიბებულია და მწვრთნელი, აინარს ბაგაცკისი შეთამაშებაზე მუშაობს. წესითა და რიგით, ამ მხრივ სოხუმელები მეტოქეზე უკეთ უნდა გამოიყურებოდნენ, რადგან ევროჩელენჯის საკვალიფიკაციო ეტაპზე მათი მეტოქე ბელარუსის "მინსკი" ჯერაც დაკომპლექტების პროცესშია.შეგახსენებთ, რომ "სოხუმისა" და "მინსკის" პირველი მატჩი თბილისში 4 ოქტომბერს გაიმართება, ხოლო განმეორებითი - ბელარუსის დედაქალაქში 11 ოქტომბერს. ორივე შეხვედრა ადგილობრივი დროით 19 საათზე დაიწყება.
სოხუმელთა ახალწვეულებსა და საკონტროლო მატჩებზე ბოლო დროს ხშირად მოგითხრობთ. ახლა "მინსკის" შესახებ. უახლესი ინფორმაციით ბელარუსის ჩემპიონს ორი
დევონი 25 წლის 211 სმ სიმაღლის ცენტრია. შარშანდელ სეზონში ისრაელის მეორე ლიგის "იავნეში" ირიცხებოდა. მანამდე კი ამერიკაში გამოდიოდა. 2008 წელს ჰარდინი "სიეტლ სუპერსონიკსმა" დრაფტზე 50-ე ნომრად აირჩია.
წინასასეზონოდ "მინსკში" ვარჯიშობდა ასევე ამერიკელი მეფარე დარელ უოტკინსი (25 წლის, 211 სმ), რომელიც ბელარუსებს პირობებზე ვერ შეუთანხმდა და ბერძნულ "არისში" წავიდა.
ერთი შეხედვით, "მინსკის" ყველაზე ღირებული შენაძენი ჯულიუს ჰოჯია. 27 წლის 201 სმ სიმაღლის ფორვარდი 2005 წელს "დენვერ ნაგეტსმა" დრაფტზე მე-20 ნომრად აირჩია, თუმცა NBA-ში ფეხი ვერ მოიკიდა და 2007 წელს "მილუოკიდან" იტალიურ "ვარეზეში" გადავიდა. მას მერე მოიარა ავსტრალია, ჩინეთი და ირანი. 2010-11 წლებში ჰოჯი ირანულ კლუბ "პეტრომაჩიში" ასპარეზობდა.
თუ დააკვირდით, "მინსკში" ჩამოსული ამერიკელები ან ფორვარდები არიან, ან წინახაზელები. გამთამაშებლის პოზიციაზე ბელარუსის ჩემპიონს საიმედო ძალა ჰყავს - ალექსანდრ კუდრიავცევი, რომელმაც კლუბთან ერთწლიანი კონტრაქტი ახლახან გააფორმა. კუდრიავცევი ბელარუსის ნაკრების უკანახაზელია, რომელმაც 2009 წელს თბილისში საქართველოს ნაკრებს დიდი წინააღმდგობა გაუწია - 28 ქულა ჩააგდო.
აქვე დავძენთ, ლატვიური შეკრებიდან "სოხუმი" თბილისში დღეს დაბრუნდება.
ყოველდღიური სპორტული გაზეთი "ლელო"
