"ნიუ იორკ ნიქსის" ფორვარდმა ამარე სტაუდმაიერმა გადაწყვიტა უარი თქვას კობი ბრაიანტთან ერთად ჩინეთში გამგზავრებაზე. გარდა ამისა, "ტვიტერის" მეშვეობით მან თაყვანისმცემლებს გამოუცხადა, რომ გააგრძელა კონტრაქტი თავის ტექნიკურ სპონსორთან - კომპანია "ნაიკთან". და იქვე ძალიან ორიგინალური მილოცვა მიიღო თავისი ყოფილი თანაგუნდელისგან ჯარედ დადლისგან: "გილოცავ "ნაიკთან" ახალი კონტრაქტის გაფორმებას! ჯანდაბა, მდიდრები კიდევ უფრო მდიდრები ხდებიან!"
* * *
სენსაციური ამბავი გავრცელდა თურქეთიდან. NBA-ის სუპერვარსკვლავი დერონ უილიამსი ევროპაში მიდის. თურქული პრესა და ტელევიზია დარწმუნებით აცხადებს, რომ "ნიუ ჯერსის" გამთამაშებელი მოელაპარაკა "ბეშიქთაშის" ხელმძღვანელობას.
იტყობინებიან, რომ
* * *
ასევე უცნაური ჩანს გარიგება "პორტლენდის" ნიჭიერ ფორვარდ ნიკოლა ბატუმსა და "ნანსის" შორის. ფრანგი კალათბურთელის სამშობლოში თამაშის სურვილი გასაგებია, მაგრამ "ნანსის" სასარგებლოდ არჩევანი - გაუგებარი. ეს არ არის ბატუმის შესაფერისი კლუბი. მიუხედავად ამისა, ნიკოლამ ფრანგული პრესისთვის მიცემულ ინტერვიუში კარიერის განვითარების სწორედ ეს ვარიანტი დაასახელა პრიორიტეტულად.
* * *
სამაგიეროდ, სწორი პრიორიტეტი აქვს "დალასის" გამთამაშებელ ხუან ხოსე ბარეას. თუ ლოკაუტი გაიწელება, პუერტორიკოელი ევროპაში უძლიერეს ესპანულ ლიგაში ითამაშებს, თუმცა არ დაუზუსტებია, რომელ კლუბში.
ყოველდღიური სპორტული გაზეთი "ლელო"
