"სან ანტონიო სპურსის" იტალიელმა მცველმა მარკო ბელინელიმ მზადყოფნა გამოთქვა, ითამაშოს 2015 წლის ევრობასკეტზე ეროვნული ნაკრების შემადგენლობაში.უფრო ადრე კონტინენტის პირველობაზე თამაშის სურვილი დაადასტურეს NBA-ს სხვა იტალიელმა ლეგიონერებმა - ლუიჯი დატომემ, დანილო გალინარიმ და ანდრეა ბარნიანიმ.
"ოთხი მოთამაშე, რომლებსაც ნიუ იორკში შევხვდით, მზად არის, ითამაშოს ნაკრების შემადგენლობაში ევროპის ჩემპიონატზე. ჩვენი მიზანია - მოვიპოვოთ საგზური რიო-დე-ჟანეიროს ოლიმპიადაზე", - განაცხადა იტალიის კალათბურთის ფედერაციის პრეზიდენტმა ჯანი პეტრუჩიმ.
* * *
ამასობაში, გერმანიის ნაკრების მთავარმა მწვრთნელმა კრის ფლემინგმა ჰამბურგში პრესკონფერენცია ჩაატარა, რომლის დროსაც ისაუბრა გერმანელი
"ბევრ მოთამაშეს ველაპარაკე. ყველას სურს ნაკრებში თამაში, მათ შორის, დირკ ნოვიცკისა და კრის კამანს", - აცხადებს ფლემინგი.
ასევე გამოცხადდა, რომ ევროპის ჩემპიონატის წინ, 21-23 აგვისტოს ჰამბურგში გაიმართება ტურნირი გერმანიის, ლატვიის, პოლონეთისა და თურქეთის ნაკრებების მონაწილეობით.
ყოველდღიური სპორტული გაზეთი "ლელო"
