რუსეთის ნაკრების მთავარმა მწვრთნელმა დევიდ ბლატმა საქართველოს ნაკრებთან მატჩის საუკეთესო მოთამაშედ ვიქტორ ხრიაპა დაასახელა.- რას იტყოდით საქართველოსთან მატჩზე. რამ გამოიწვია მეოთხე პერიოდის საწყისი ექვსწუთიანი პერიოდის ჩავარდნა, როდესაც გუნდმა ვერცერთი ქულის მოპოვება ვერ შეძლო?
- რატომ არ მეკითხებით პირველ ნახევარზე, როდესაც ბრწყინვალე კალათბურთი ვაჩვენეთ? ჩვენ ძალიან სპეციფიური გუნდი გვყავს. მისი პლუსები და მინუსები საკმაოდ ნათელია. როდესაც მთელი ყურადღებით ვთამაშობთ, ყველაფერი შესანიშნავადაა. საკმარისია ოდნავ მოვადუნოთ ყურადღება, რომ ძალიან სერიოზული პრობლემები გვექმნება. თუ ამ ტურნირზე შორს გაღწევა გვსურს, მსგავსი მონაკვეთები, როდესაც იმ
- რას იტყოდით სემიონ ანტონოვის დებიუტის შესახებ?
- მან ის გააკეთა, რაც უნდა გაეკეთებინა. მის გამო ძალიან მოხარული ვარ. დაამტკიცა, რომ გუნდისთვის რეალური სარგებლის მოტანა შეუძლია. საერთოდ, კალათბურთში შავი, შეუმჩნეველი სამუშაოს შესრულება ძალიან მნიშვნელოვანია. მაგალითად, მკითხეთ, ვის მივიჩნევ ჩემი გუნდის საუკეთესო მოთამაშედ საქართველოსთან თამაშში.
- და ვის მიიჩნევთ?
- ვიქტორ ხრიაპას. მან მხოლოდ ერთი ქულა მოაგროვა, მაგრამ ეს რუსეთის ნაკრების შემადგენლობაში მისი ერთერთი საუკეთესო თამაში იყო. ის ასწრებდა პასების გაკეთებას, გუნდის დაცვაში და შეტევაში თამაშის ორგანიზებას. და რაც ძალიან მნიშვნელოვანია, საერთოდ არ თრგუნავდა თავისი დაბალი შედეგიანობა. პირიქით ნებისმიერი მოქმედებით გუნდისთვის სარგებელი მოჰქონდა.
- როგორ აპირებთ საჯარიმოების რეალიზაციის დაბალი პროცენტის გაუმჯობესებას?
- კარგი კითხვაა. ვისურვებდი, მასზე პასუხი გამაჩნდეს. ჩემი აზრით, სასწრაფოდ ზიმბაბვეში უნდა დავრეკოთ და ჯადოქარი ვუდუ მოვიწვიოთ. სწორედ ხვალ ვისვენებთ და ჩამოსაფრენად დრო ექნება.
