ევროპის კალათბურთის ფედერაცია 22 მარტს მიიღებს გადაწყვეტილებას - შეუნარჩუნოს თუ არა უკრაინას 2015 წლის ევრობასკეტის მასპინძლობის უფლება. ამის შესახებ განაცხადა FIBA-ევროპის საზოგადოებასთან ურთიერთობის დეპარტამენტის ხელმძღვანელმა საკის კონტოსმა."ჩვენ ყურადღებით ვაკვირდებით სიტუაციას უკრაინაში, - ამბობს კონტოსი. - მიუნხენში უკვე გაიმართა აღმასრულებელი კომიტეტის შეხვედრა, სადაც განიხილეს ევროპის 2015 წლის ჩემპიონატის გამართვასთან დაკავშირებული პრობლემები. 22 მარტს გაიმართება ფედერაციის სხდომა, სადაც გადაწყვეტენ - ჩატარდეს თუ არა ევრობასკეტი უკრაინაში, თუ ის სხვა ქვეყანაში უნდა გადაიტანონ".
ყოველდღიური სპორტული გაზეთი "ლელო"
