ეროვნულ საკალათბურთო ასოციაციაში დასავლეთი კონფერენციის ლიდერობა დაიბრუნა "ოკლაჰომამ"."თანდერს ზედიზედ" სამი წაგების შემდეგ დასავლეთში პირველი ადგილი ჩამოართვა "სან ანტონიომ", მაგრამ "ოკლაჰომამ" ბოლო ორი დღის განმავლობაში ორი მატჩი მოიგო და ისევ პირველია დასავლეთში.
10 აპრილს "ოკლაჰომა" სტუმრად თამაშობდა "მილუოკის" წინააღმდეგ და ყოველგვარი გართულების გარეშე მოიპოვა გამარჯვება. პირველი მეოთხედის შემდეგ ამ მატჩის ბედი, პრაქტიკულად, გარკვეული იყო. საწყისი 12 წუთი "ოკლაჰომამ" 17 ქულის სხვაობით მოიგო - 35:18.
"მილუოკიმ" მხოლოდ მეორე მეოთხედში შეძლო გაბრძოლება და დიდი შესვენებისთვის ჩამორჩენას სამი ქულა ჩამოაკლო, მაგრამ მესამე 12-წუთეულში
საბოლოოდ, "ოკლაჰომამ" მეორე ტაიმი ექვსი ქულით მოიგო და თამაში 20-ქულიანი სხვაობით დაასრულა თავის სასარგებლოდ - 89:109.
ასეთი დიდი ანგარიშით მოგება "თანდერის" ერთ-ერთი ლიდერის - კევინ დურანტის შედარებით სუსტი თამაშის მიუხედავად გახდა შესაძლებელი. დურანტმა თამაშიდან 15-ჯერ ისროლა და მხოლოდ ოთხი ბურთი ჩააგდო, რამაც მას 19 ქულა მოუტანა. სამაგიეროდ, თავის დონეზე ითამაშა რასელ უუესტბრუკმა, რომელიც 26 ქულით მატჩის ყველაზე შედეგიანი კალათბურთელი აღმოჩნდა.
ამასობაში წააგო თავისი შეხვედრა "სან ანტონიომ" - მისი 11-მატჩიანი მოგებათა სერია "იუტამ" შეწყვიტა და "ოკლაჰომამ" ამის წყალობით დაიბრუნა ლიდერობა დასავლეთ კონფერენციაში.
* * *
გასული სეზონის საუკეთესო მოთამაშეს, "ჩიკაგო ბულზის" გამთამაშებელ დერიკ როუზს ისევ აწუხებს ჯანმრთელობასთან დაკავშირებული პრობლემები.
ორი დღის წინ ამ კალათბურთელმა ტრავმით გამოწვეული 12-მატჩიანი პაუზის შემდეგ "ნიუ იორკ ნიქსის" წინააღმდეგ ითამაშა და მორიგი დაზიანება მიიღო. ექიმებმა როუზს კოჭის ტრავმა დაუდგინეს.
ჯერჯერობით უცნობია დერიკის მოედანზე დაბრუნების ზუსტი თარიღი, მაგრამ კლუბთან დაახლოებული წყაროს ცნობით, უახლოეს მატჩებში გამთამაშებლის მონაწილეობა დიდი კითხვის ნიშნის ქვეშ დგას.
მიმდინარე რეგულარული ჩემპიონატის 35 მატჩში როუზის სტატისტიკა 23.0 ქულას, 7.9 შედეგიან გადაცემასა და 3.5 მოხსნას უდრის.
ყოველდღიური სპორტული გაზეთი "ლელო"
