ეროვნული საკალათბურთო ასოციაციის მოთამაშეებს შორის ჩატარდა გამოკითხვა, რომლის მიხედვითაც, ლიგის ყველაზე პოპულარული მწვრთნელი გახლავთ "ბოსტონ სელტიქსის" დამრიგებელი დოკ რივერსი. კითხვაზე - "რომელი მწვრთნელის ხელმძღვანელობით ისურვებდით თამაშს?" - გამოკითხული 134 კალათბურთელიდან 22-მა პროცენტმა სწორედ "კელტების" თავკაცი დაასახელა.
მეორე ადგილზე აღმოჩნდა "ნიუ იორკის" ყოფილი მთავარი მწვრთნელი მაიკ დ’ენტონი (21 პროცენტი), მესამეზე - "სან ანტონიო სპურსის" დამრიგებელი გრეგ პოპოვიჩი (16 პროცენტი).
პარალელურად, კალათბურთელებმა გამოავლინეს ლიგის ყველაზე არაპოპულარული მწვრთნელი. ამ გამოკითხვაში ხმების უმრავლესობა "ორლანდოს" მთავარმა მწვრთნელმა სტენ ვან განდიმ მიიღო - სწორედ მასთან არ
14 პროცენტით მეორე ადგილზე გავიდა "მილუოკის" თავკაცი სკოტ სკაილზი, მესამეზე "კლივლენდის" მთავარი მწვრთნელი ბაირონ სკოტი (9 პროცენტი).
ყოველდღიური სპორტული გაზეთი "ლელო"
