აშშ-ის ნაკრების გენერალურმა მენეჯერმა ჯერი კოლანჯელომ ლონდონის ოლიმპიადაზე მონაწილეობისთვის საბოლოო შემადგენლობა დაასახელა. ათი კალათბურთელის გარდა, რომელთა ვინაობა წინასწარ იყო ცნობილი, ბრიტანეთში აგრეთვე გაემგზავრებიან "ოკლაჰომას" მცველი ჯეიმს ჰარდენი და "ფილადელფიას" ფორვარდი ანდრე იგუოდალა.
ლონდონის ოლიმპიადაზე აშშ-ის ნაკრების განაცხადი ასე გამოიყურება:
მცველები: კობი ბრაიანტი ("ლეიკერსი"), რასელ უესტბრუკი ("ოკლაჰომა"), კრის პოლი ("კლიპერსი"), ჯეიმს ჰარდენი ("ოკლაჰომა"), დერონ უილიამსი ("ბრუკლინი");
ფორვარდები: კარმელო ენტონი ("ნიუ იორკი"), ლებრონ ჯეიმსი ("მაიამი"), ანდრე იგუოდალა ("ფილადელფია"), კევინ დურანტი ("ოკლაჰომა"), ბლეიკ გრიფინი ("კლიპერსი"), კევინ ლავი ("მინესოტა");
ცენტრი: ტაისონ ჩენდლერი ("ნიუ იორკი").
დიდი ალბათობით შეიძლება იმის თქმა, რომ "სან ანტონიოს" ფრანგი გამთამაშებელი ტონი პარკერი შეძლებს ლონდონის ოლიმპიადაზე გამოსვლას.
"სპურსის" ექიმებმა ბოლო სამედიცინო შემოწმების შემდეგ საფრანგეთის ნაკრების ლიდერს თამაშის ნება დართეს; არადა, მანამდე სკეპტიკურად უყურებდნენ ტონის ლონდონში გამოსვლას. შეგახსენებთ, რომ პლეიმეიკერმა თვალის ტრავმა ნიუ იორკის ერთ-ერთ ღამის კლუბში მომხდარი ჩხუბის დროს მიიღო.
* * *
ვენესუელაში მიმდინარე საკვალიფიკაციო ტურნირზე ზაფხულის თამაშების ორი საგზურის მფლობელი გამოვლინდა. ნახევარფინალური მატჩების მოგების შემდეგ ლონდონში გამგზავრების უფლება მიიღეს რუსეთისა და ლიტვის ნაკრებებმა.
მესამე საგზურის ბედი კი ნიგერიისა და დომინიკის რესპუბლიკის ნაკრებებს შორის მესამე ადგილისთვის შეხვედრაში გაირკვევა.
1/2-ფინალი
ნიგერია-რუსეთი 77:85
23:26, 8:20, 22:22, 24:17
ნ: დიოგუ (16+14 მოხსნა), დაგუნდურო (16+5 პასი), ამინუ (13), სკინი (11), ოგუჩი (10).
რ: შვედი (22+6 პასი), კირილენკო (19+8 მოხსნა+4 ჩაჭრა), ფრიძონი (15), კაუნი (11).
ლიტვა-დომინიკა 109:83
21:16, 31:20, 23:25, 34:22
ლ: მაჩიულისი (19+6 მოხსნა), ვალანჩუნასი (17+7 მოხსნა), კლეიზა (13+6 მოხსნა), პოჩიუსი (12), დელინინკაიტისი (11), კალნიეტისი (9+9 პასი).
დ: მარტინესი (13+10 მოხსნა), ჰორფორდი (12), გარსია (11), კორონადო (10+4 პასი).
ტურნირის დასრულების შემდეგ ვენესუელაში გაიმართება წილისყრა და მის მიხედვით გადანაწილდებიან საკვალიფიკაციოს გამარჯვებული გუნდები ლონდონის საკალათბურთო ტურნირის ჯგუფებში.
ყოველდღიური სპორტული გაზეთი "ლელო"
