"მაიამი ჰიტის" მფლობელი მიკი არისონი ფლორიდას შტატის ყველაზე მდიდარი მაცხოვრებელია. მისი ქონება ხუთ მილიარდ დოლარად არის შეფასებული, - წერს ამერიკული პრესა. ამერიკის შეერთებული შტატების ყველაზე მდიდარი ადამიანების სიაში არისონი 68-ე ადგილს იკავებს. "მაიამის" გარდა, ეს ბიზნესმენი მსოფლიოში ერთ-ერთ უმსხვილეს მულტიეროვნულ კრუიზულ კომპანიას ხელმძღვანელობს.
სხვათა შორის, 2011 წლის მონაცემებით, არისონი 4.2 მილიარდის მფლობელი იყო.
შეგახსენებთ, რომ "მაიამი" 2011-12 წლების სეზონში ჩემპიონი გახდა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
