ეროვნული საკალათბურთო ასოციაციის მეორე გუნდი, რომელმაც 2012-13 წლების სეზონში პლეი ოფში თამაში გაინაღდა, "სან ანტონიო სპურსი" გახლავთ, - ამის შესახებ იტყობინება NBA-ის ოფიციალური ვებგვერდი.დასავლეთი კონფერენციის ლიდერმა თანაშტატელი "დალას მავერიქსი" მიიღო და მინიმალური ანგარიშით - 92:91 დაამარცხა. ყველაზე შედეგიანი მოთამაშე გახდა "სპურსის" ფორვარდი ტიმ დანკანი. მის ანგარიშზე ორმაგი დუბლი იყო - 28 ქულა და 19 მოხსნა.
"დალასის" რიგებში ასევე ორმაგი დუბლი ჰქონდა დირკ ნოვიცკის - 21 ქულა და 11 მოხსნა.
შეგახსენებთ, რომ "სან ანტიონიომდე" პლეი ოფში თამაშის უფლება მოიპოვა "მაიამი
სხვათა შორის, "სან ანტონიომ" გუშინდელი მოგებით ფენომენალური რეკორდი დაამყარა! ზედიზედ მე-14 წელია, ეს გუნდი ახერხებს სეზონში მინიმუმ 50 მოგების გაფორმებას.
* * *
ორი დღეა ლიგაში აქტუალური თემაა კობი ბრაიანტის ტრავმა. შეგახსენებთ, რომ "ლეიკერსის" ლიდერმა კოჭი დაიზიანა "ატლანტასთან" მატჩში. შეხვედრის შემდეგ ჩატარებულმა სამედიცინო შემოწმებას აჩვენა, რომ მცველი მოტეხილობას გადაურჩა, თუმცა, როგორც ექიმები ვარაუდობენ, კობის ერთი-ორი მატჩის გამოტოვება მოუწევს.
სან ანტონიო-დალასი 92:91
22:17, 28:24, 23:25, 19:25
ს-ა: დანკანი (28+19 მოხსნა), ნილი (16), ლეონარდი (12+6 მოხსნა), სპლიტერი (8+10 მოხსნა).
დ: ნოვიცკი (21+11 მოხსნა+3 ჩაჭრა), კოლისონი (12), რაიტი (10+8 მოხსნა), მ. ჯეიმსი (10+5 პასი), მაიო (10), კარტერი (10).
პორტლენდი-ნიუ იორკი 105:90
22:30, 29:18, 27:14, 27:28
პ: ლილარდი (26+10 პასი), ოლდრიჯი (22+10 მოხსნა+5 დაფარება), ბატუმი (16+6 პასი), მეტიუზი (14+5 მოხსნა), ჰიქსონი (12+16 მოხსნა).
ნ-ი: სმიტი (33), კენ. მარტინი (12), ფელტონი (11+3 ჩაჭრა), კემბი (8+10 მოხსნა).
ყოველდღიური სპორტული გაზეთი "ლელო"
ასევე იხილეთ:
პოლ პირსი და კევინ გარნეტი NBA-ს ისტორიაში შევიდნენ
