"ლოს ანჯელეს ლეიკერსის" ლიდერმა კობი ბრაიანტმა ოპერაცია გაიკეთა და 6-9 თვე ვერ შეძლებს თამაშს. შაბათს, "გოლდენ სტეიტთან" მატჩში ბრაიანტმა მარცხენა ფეხზე აქიველსის მყესი გაიწყვიტა.კალიფორნიული კლუბის მწვრთნელის გარი ვიტის თქმით, "ლეიკერსში" იმედი აქვთ, რომ მცველი 2013-14 წლების სეზონამდე ჩადგება მწყობრში.
უსიამოვნო ინციდენტი "ლეიკერსისა" და "გოლდენ სტეიტის" მატჩის დასრულებამდე სამი წუთით ადრე მოხდა. მანამდეც, ბრაიანტი რამდენიმეჯერმე კოჭლობით გადაადგილდებოდა მოედანზე, მაგრამ ამჯერად, სიტუაცია წინა შემთხვევებზე სავალალო აღმოჩნდა - მცველმა თამაშის გაგრძელება ვერ შეძლო. მართალია, მან ტრავმირებული ფეხით მაინც მოახერხა ორი ზუსტი საჯარიმოს
კობის ტრავმაში, შესაძლოა, "ლეიკერსის" მთავარ მწვრთნელს მაიკ დ'ენტონისაც მიუძღვის წვლილი. შეგახსენებთ, რომ წინა მატჩში ბრაიანტმა შეუცვლელად ითამაშა 48 წუთი და "გოლდენ სტეიტთანაც", სანამ მატჩს მიატოვებდა, ასევე ერთი წამითაც არ დაუსვენია.
ცნობილია, რომ რეგულარულის ბოლოს, "ლეიკერსს" დიდი ბრძოლა აქვს "იუტასთან" პლეი ოფის მერვე საგზურისთვის. ბუნებრივია, საინტერესო იყო, ასეთ რთულ მომენტში ვინ იკისრებდა გუნდის ლიდერის როლს. უნდა ითქვას, რომ ამ მძიმე სიტუაციაში მასპინძლები არ დაიბნენ. დარჩენილ დროში კარგად ითამაშეს ჰოვარდმა და გასოლმა, რომლებმაც მაქსიმალურად გამოიყენეს ახალგაზრდა "მეომრების" შეცდომები. სირენამდე ცხრა წამით ადრე, "ლეიკერსის" უპირატესობა მინიმალური იყო. კალიფორნიელებს უნდა შეეჩერებინათ კარი (47 ქულა, 15-დან 9 სამქულიანი) და ტომპსონი (25 ქულა), რაც მოახერხეს, ხოლო ლენდრის ტყორცნა ექვსი მეტრიდან არაზუსტი აღმოჩნდა.
ბურთი ჰოვარდმა მოხსნა და მასზე მაშინვე დაჯარიმდნენ. ცენტრმა ორიდან ერთი საჯარიმო ჩააგდო. სათამაშო რჩებოდა წამნახევარი და იმის გამო, რომ მარკ ჯექსონის გუნდს ტაიმ-აუტი აღარ ჰქონდა, "გოლდენ სტეიტის" მხრიდან თამაშის გადარჩენის შანსი თითქმის ნულის ტოლი იყო. მაგრამ, იმავე კარიმ კინაღამ სასწაული მოახდინა - მან საკუთარ ნახევარზე მიიღო ბურთი, ისროლა და... კინაღამ ჩააგდო. "ლეიკერსი" გადარჩა და შეინარჩუნა მერვე ადგილი დასავლეთში, მაგრამ დარჩენილი ორი მატჩი კობის გარეშე უნდა ჩაატაროს.
12 აპრილი
ტორონტო-ჩიკაგო 97:88
20:22, 27:21, 26:22, 24:23
ტ: ჯონსონი (24+9 მოხსნა), გეი (23+5 ჩაჭრა+3 დაფარება), დეროზანი (19), ლოური (13+11 პასი+9 მოხსნა), ეისი (10+9 მოხსნა+3 დაფარება).
ჩ: ბუზერი (19+12 მოხსნა), რობინსონი (17+6 პასი), მოჰამედი (16+13 მოხსნა), დენგი (10+8 პასი).
ვაშინგტონი-ფილადელფია 86:97
31:24, 18:24, 16:26, 21:23
ვ: უოლი (24+7 პასი), ბუკერი (10), სერაფინი (10+6 მოხსნა+3 დაფარება), ნენე (9+10 მოხსნა).
ფ: ჰოლიდეი (22+7 პასი), ტ. იანგი (18+13 მოხსნა+4 ჩაჭრა), ჰოიესი (15+8 მოხსნა), უილკინსი (15), რაიტი (13).
ინდიანა-ბრუკლინი 109:117
27:34, 23:35, 35:23, 24:25
ი: უესტი (26+9 მოხსნა+3 ჩაჭრა), ჯორჯი (21+3 დაფარება), ჰიბერტი (18+10 მოხსნა), ჰილი (17+10 პასი), სტივენსონი (13+6 პასი).
ბ: უილიამსი (33+14 პასი), ლოპესი (24+5 დაფარება), ჯონსონი (24+3 ჩაჭრა), სტეკჰაუსი (13), უოტსონი (10), ევანსი (3+12 მოხსნა).
ატლანტა-მილუოკი 109:104
24:30, 16:24, 35:28, 34:22
ა: ტიგი (24+10 პასი), სმიტი (24+4 ჩაჭრა), ჰარისი (19+5 პასი+3 ჩაჭრა), ჰორფორდი (18+17 მოხსნა+6 პასი).
მ: ელისი (27+17 პასი+8 მოხსნა+5 ჩაჭრა), ილიასოვა (25+7 მოხსნა), რედიკი (10), სმიტი (10).
მაიამი-ბოსტონი 109:101
17:27, 41:23, 29:25, 22:26
მ: ჯეიმსი (20+9 პასი), ლუისი (19), ბოში (17+7 მოხსნა), ალენი (17), კოული (12), უეიდი (11+7 მოხსნა+6 პასი).
ბ: გრინი (25+8 მოხსნა), კროუფორდი (20), ლი (18), ბასი (17+9 მოხსნა).
დეტროიტი-შარლოტი 113:93
23:30, 36:23, 28:20, 26:20
დ: ჟერებკო (21+8 მოხსნა), ნაითი (19+7 მოხსნა), დრამონდი (15+9 მოხსნა), ბაინუმი (15 +10 პასი), მონრო (12+4 ჩაჭრა), სინგლერი (10).
შ: უოკერი (28+6 პასი), მაკრობერტსი (17+7 მოხსნა), ჰენდერსონი (15+3 ჩაჭრა), პარგო (11).
კლივლენდი-ნიუ იორკი 91:101
24:27, 19:25, 21:23, 27:26
კ: ირვინგი (31+6 პასი), ტომპსონი (15+11 მოხსნა), ელინგტონი (13+3 ჩაჭრა), ჯი (12).
ნ-ი: ენტონი (31+14 მოხსნა), სმიტი (31), კოუპლენდი (12), შამპერტი (8+11 მოხსნა).
ნიუ ორლეანი-კლიპერსი 93:96
25:24, 15:19, 23:14, 30:39
ნ-ო: გორდონი (25), ლოპესი (19+12 მოხსნა), ანდერსონი (17), რობერტსი (15+11 პასი), ამინუ (7+10 მოხსნა).
კ: გრიფინი (20), პოლი (17+14 პასი+7 მოხსნა), ბარნსი (16+10 მოხსნა), კროუფორდი (15).
ჰიუსტონი-მემფისი 78:82
15:24, 21:25, 23:15, 19:18
ჰ: ჰარდენი (30+7 მოხსნა+6 პასი), ლინი (17), აშიქი (8+11 მოხსნა), ჯონსი (7+12 მოხსნა).
მ: რენდოლფი (15+8 მოხსნა), გასოლი (15+12 მოხსნა+3 დაფარება+3 ჩაჭრა), ბეილესი (13), კონლი (12+7 მოხსნა), ალენი (10).
დალასი-დენვერი 108:105 (ო)
21:26, 27:29, 30:22, 21:22, 9:6
დალ: ნოვიცკი (22+10 მოხსნა), კარტერი (22+12 მოხსნა+7 პასი), მაიო (20+6 პასი), მერიონი (15+8 მოხსნა).
დენ: ჩენდლერი (18+9 მოხსნა+3 ჩაჭრა), იგუოდალა (18+6 პასი), ბრიუერი (18+5 ჩაჭრა), ლოუსონი (13), ფარიდი (11+10 მოხსნა), მაკგი (11+9 მოხსნა+4 დაფარება).
სან ანტონიო-საკრამენტო 108:101
23:13, 37:37, 24:24, 24:27
ს-ა: პარკერი (22+10 პასი), დანკანი (18+5 დაფარება), ლეონარდი (15+7 მოხსნა), სპლიტერი (12+12 მოხსნა+3 დაფარება), გრინი (12), ბონერი (11), ნილი (10).
საკ: კაზინსი (19+12 მოხსნა), ტომპსონი (18), დუგლასი (15+7 პასი+4 ჩაჭრა), ფრედეტი (14), ტორნტონი (12).
იუტა-მინესოტა 107:100
20:22, 23:32, 29:27, 25:19
ი: ჯეფერსონი (40+13 მოხსნა+6 პასი), ფოიე (16), მო უილიამსი (16), მილსეპი (10).
მ: ბარეა (23), რუბიო (13), ბადინგერი (12), უილიამსი (11), სტიმსმა (10+7 მოხსნა+3 ჩაჭრა), რიდნური (10).
პორტლენდი-ოკლაჰომა 90:106
26:30, 28:25, 7:26, 29:25
პ: ბარტონი (18+7 მოხსნა), ოლდრიჯი (12), მეინორი (11), ლილარდი (10+8 პასი), ლეონარდი (10).
ო: უესტბრუკი (33+3 ჩაჭრა), ჯექსონი (17), დურანტი (16+6 პასი), იბაკა (11), სეფოლოშა (11).
ლეიკერსი-გ. სტეიტი 118:116
26:32, 31:25, 28:33, 33:26
ლ: ბრაიანტი (34), ჰოვარდი (28+7 მოხსნა), გასოლი (26+11 მოხსნა+10 პასი), ბლეიკი (14).
გ-ს: კარი (47+9 პასი+3 ჩაჭრა), ტომპსონი (25+7 პასი), ლი (19+8 მოხსნა), ლენდრი (11).
13 აპრილი
შარლოტი-მილუოკი 95:85
24:23, 25:21, 27:15, 19:26
შ: უოკერი (21), მაკრობერტსი (18+9 მოხსნა+9 პასი), ბიიომბო (13+17 მოხსნა), ჰენდერსონი (12).
მ: დანლივი (19), ელისი (16), რედიკი (12), ილიასოვა (10), ჰენსონი (8+11 მოხსნა).
ორლანდო-ბოსტონი 88:120
17:23, 20:34, 27:28, 24:35
ო: ჰარისი (22), ვუჩევიჩი (16+12 მოხსნა), ჰარკლესი (12), მური (11), ლემბი (11).
ბ: ლი (20), გრინი (17), კროუფორდი (16), ბასი (14+3 დაფარება), გარნეტი (14+9 მოხსნა), ბრედლი (14), პირსი (12+8 პასი).
მემფისი-კლიპერსი 87:91
23:24, 28:27, 22:17, 14:23
მ: გასოლი (18+15 მოხსნა+7 პასი), რენდოლფი (16+12 მოხსნა), პრინსი (13), კონლი (12+6 პასი).
კ: ჯორდანი (16+12 მოხსნა+3 დაფარება), პოლი (13), გრიფინი (12+9 მოხსნა), გრინი (10).
მინესოტა-ფინიქსი 105:93
22:28, 28:25, 27:20, 28:20
მ: რუბიო (24+10 პასი+5 ჩაჭრა), ბარეა (16), უილიამსი (15+4 ჩაჭრა), კირილენკო (14+7 მოხსნა), კანინგემი (13+8 მოხსნა), რიდნური (12).
ფ: მარკიფ მორისი (20+9 მოხსნა), დადლი (16), ჯონსონი (15), სკოლა (14+9 მოხსნა), დრაგიჩი (10+14 პასი+4 ჩაჭრა).
სიეტლს "კინგზი" ძალიან უნდა
სიეტლელი ბიზნესმენების ჯგუფმა, რომელსაც სათავეში უდგას კრის ჰანსენი და სტივ ბალმერი, გაზარდა თავისი წინადადება NBA-ს კლუბის "საკრამენტო კინგზის" შეძენის თაობაზე, - იტყობინება ESPN.com. გარიგების ახალი თანხა შეადგენს 550 მილიონ დოლარს, რაც სარეკორდო მაჩვენებელია ლიგის ისტორიაში.
შეგახსენებთ, რომ ძმებმა მალუფებმა თანხმობა განაცხადეს 525 მილიონ დოლარად სიეტლელი ბიზნესმენებისთვის "კინგზის" მიყიდვაზე. სულ მალე, საკრამენტოს მერმა კევინ ჯონსონმა აქტიური კამპანია დაიწყო კალიფორნიის დედაქალაქში კლუბის შესანარჩუნებლად. ჩამოყალიბდა ინვესტორთა ჯგუფი, რომელმაც "კინგზის" შეძენის სურვილი გამოთქვა, რის შემდეგაც, საკრამენტოს საქალაქო საბჭომ დაამტკიცა გარიგება ახალი არენის მშენებლობასთან დაკავშირებით.
მომდევნო კვირას, ნიუ იორკში გაიმართება ლიგის მმართველთა საბჭოს სხდომა, რომელზეც კენჭს უყრიან კლუბის გაყიდვასა და "კინგზის" სიეტლში გადასვლას.
"სპურსმა" ვეტერანი გააგდო
"სან ანტონიო სპურსმა" შემადგენლობიდან დაითხოვა 35 წლის ფორვარდი სტივენ ჯექსონი - ამ ცნობას Yahoo! Sports ავრცელებს.
ჯექსონმა, რომელიც კარიერაში მე-13 სეზონს ატარებს, მიმდინარე რეგულარულში 55 მატჩი ჩაატარა და საშუალოდ 6.2 ქულა და 2.8 მოხსნა დააგროვა. კალათბურთელის კონტრაქტი 2013 წლის ზაფხულამდე იყო ძალაში.
იმის გამო, რომ "სან ანტონიომ" ფორვარდი პირველი მარტის შემდეგ გაუშვა შემადგენლობიდან, ჯექსონს პლეი ოფში არც ერთ სხვა გუნდში თამაშის უფლება არ ექნება.
"მე ეს სავსებით არ მაწუხებს. არანაირი პრობლემა. არ შეიძლება ინერვიულო იმის გამო, რასაც შენ ვერ აკონტროლებ", - დაწერა თავის "ტვიტერზე" ჯექსონმა.
სტივენთან გამოთხოვების მიზეზი გახდა ის უთანხმოება, რომელიც კალათბურთელსა და მთავარ მწვრთნელ გრეგ პოპოვიჩს შორის წარმოიშვა გუნდში მოთამაშის როლის თაობაზე.
"სან ანტონიო" არაერთხელ დაემუქრა განთავისუფლებით სტივენ ჯექსონს, მაგრამ, როგორც ამბობენ, ეს უკანასკნელი მაინც ძალიან გაკვირვებული დარჩა კლუბის ხელმძღვანელობის ამ გადაწყვეტილებით.
ყოველდღიური სპორტული გაზეთი "ლელო"
ასევე იხილეთ:
კობი ბრაიანტი ტრავმის გამო 9 თვე ვერ ითამაშებს [VIDEO]
