NBA. რეგულარული ჩემპიონატი: ფენემენალური ლებრონი და ლილარდი

გუშინ, რეგულარულ ჩემპიონატში საკმაოდ დაძაბული დღე იყო. ორ მატჩში გამარჯვებულის გამოსავლენად ოვერტაიმის ჩატარება გახდა საჭირო. ერთ-ერთში "ლოს ანჯელეს კლიპერსმა" 114:111 აჯობა შინ "ნიუ ორლეანს".

მასპინძლებმა არც ისე კარგად დაიწყეს შეხვედრა და "პელიკანსს" 11 ქულით წინ გასვლის საშუალება მისცეს, მაგრამ შეძლეს თამაშში გარდატეხის შეტანა და თითქმის შეხვედრის ბოლომდე ლიდერობდნენ. ძირითადი დროის დასრულებამდე რამდენიმე წამით ადრე, ჯრიუ ჰოლიდეიმ სამი საჯარიმოს შეასრულების უფლება მიიღო, სამივე გამოიყენა და შეხვედრა ოვერტაიმში გადავიდა. დამატებით ხუთწუთეულში სტუმრებმა ისევ შეძლეს წინ გასვლა და ისევ ვერ შეინარჩუნეს მინიმალური უპირატესობა. ეს იყო "კლიპერსის" ზედიზედ მეცხრე მოგება.

კრის პოლმა შეხვედრა 25 ქულითა და 11 შედეგიანი პასით დაასრულა. გამთამაშებელმა 174-ე მატჩი ჩაატარა კარიერაში, რომელშიც მინიმუმ 20 ქულა და 10 გადაცემა დააგროვა. უფრო მეტი ასეთი შეხვედრა ჰქონდათ მხოლოდ ოსკარ რობერტსონს, მეჯიქ ჯონსონს, აიზია ტომასსა და ჯონ სტოქტონს.

* * *
ასევე ოვერტაიმში გაირკვა "ჰიუსტონისა" და "ინდიანას" მატჩის ბედი. მასპინძლებმა 107:103 გაიმარჯვეს.

პირველი ტაიმი "პეისერსმა" მცირე უპირატესობით დაასრულა, მესამე მეოთხედში კი სოლიდურ სხვაობას მიაღწია - 11 ქულით მოიგო ეს 12-წუთეული. ბოლო მეოთხედში "ჰიუსტონმა" შეამცირა სხვაობა, ხოლო ტრევორ არიზას სამქულიანის წყალობით მატჩი ოვერტაიმში გადაიყვანა.

დამატებით დროში "ინდიანა" გარკვეული ხანი ლიდერობდა, მაგრამ თამაშის გამარჯვებამდე მიყვანა ვერ შეძლო. ბოლო წუთზე მონტა ელისის ორმა სროლამ მიზანს არ მიაღწია, იმ დროს, როცა "ჰიუსტონის" შეტევები შედეგიანად დასრულდა.

* * *
"კლივლენდს" ბრძოლა მოუწია სტუმრად ლიგის მთავარი აუთსაიდერის "ფილადელფიას" დასამარცხებლად - 95:85. "კავალერებმა" მინიმალური უპირატესობით მოიგეს პირველი ტაიმი, შემდეგ გაზარდეს სხვაობა მესამე მეოთხედში. ბოლო 12-წუთეულში მასპინძლებმა ორ ქულამდე შეამცირეს ჩამორჩენა, მაგრამ 81:79-ზე "კლივლენდმა" ზედიზედ 14 ქულა აიღო და მატჩის ბედი ამით გადაწყვიტა.

ლებრონ ჯეიმსმა ამ მატჩში 37 ქულა და 9 შედეგიანი პასი შეასრულა. ახლა, "მეფეს" კარიერაში 6506 გადაცემა დაუგროვდა. ის გახდა ლიგის ისტორიაში 21-ე მოთამაშე, ვინც 6500-იანი ზღვარი გადალახა. საუკეთესო ასისტენტების ოცეულში შესასვლელად, ლებრონს 71 შედეგიანი პასის შეასრულება სჭირდება. მოქმედ კალათბურთელებს შორის ჯეიმსს მხოლოდ კრის პოლი (7253) და ანდრე მილერი (8480) უსწრებენ.

* * *
"პორტლენდმა" მოულოდნელად საკუთარ მოედანზე მოუგო "ოკლაჰომა-სიტის" - 115:110.
მასპინძლებმა პირველი ტაიმი ექვსქულიანი უპირატესობით დაასრულეს, მაგრამ ცუდად ჩატარებული მესამე მეოთხედის შემდეგ, მდევრის როლში აღმოჩდნენ. "თანდერი" ბოლო მეოთხედის დიდი ნაწილი ლიდერობდა, მაგრამ საფინალო სირენამდე 1.47 წუთით ადრე, 110:107 დაწინაურების შემდეგ, სტუმრებმა ქულა ვეღარ აიღეს.

მატჩის ბოლოს ფენომენალური თამაში აჩვენა დამიენ ლილარდმა. უკანასკნელ სამ წუთსა და ექვს წამში, "პორტლენდის" ლიდერმა 17 ქულა დააგროვა - ექვსიდან ხუთი სამქულიანი და ორიდან ორი საჯარიმო გამოიყენა, მისმა გუნდმა კი რვაქულიანი ჩამორჩენა გააბათილა.

სულ ლილარდს რვა ზუსტი სამქულიანი ჰქონდა და მეორე მოქმედი კალათბურთელი გახდა, ვინც კარიერის პირველ ოთხ წელიწადში 700 სამქულიანის ჩაგდება მოასწრო. ლილარდის გარდა, ეს შეძლო "გოლდენ სტეიტის" წევრმა კლეი ტომპსონმა, რომლის ანგარიშზე ოთხ წელიწადში 784 სამქულიანი მოდის.

საინტერესოა, რომ "გოლდენ სტეიტის" ლიდერმა სტივენ კარიმ კარიერის საწყის ოთხ წელიწადში მხოლოდ 644 შორეული ტყორცნის რეალიზება შეძლო.

მინესოტა-დალასი 87:93
22:22, 20:26, 13:20, 32:25
მ: უიგინსი (21+7 მოხსნა), მუჰამადი (16), რუბიო (12+7 მოხსნა+8 პასი), თაუნსი (10).
დ: ნოვიცკი (29+7 მოხსნა), პარსონსი (14), ფაჩულია (13+11 მოხსნა).

კლიპერსი-ნიუ ორლეანი 114:111 (ო)
19:24, 37:25, 28:27, 17:25, 13:10
კ: პოლი (25+11 პასი), კროუფორდი (21), ჯონსონი (15+5 ჩაჭრა), მბა ა მუტე (14), ჯორდანი (12+11 მოხსნა), რედიკი (11), რივერსი (10).
ნ-ო: ჰოლიდეი (29+11 მოხსნა), დევისი (26+7 მოხსნა+7 პასი), ანდერსონი (16+10 მოხსნა), აშიქი (8+11 მოხსნა).

ფილადელფია-კლივლენდი 85:95
20:26, 27:22, 22:27, 16:20
ფ: ოკაფორი (21+7 მოხსნა), სმიტი (18+7 მოხსნა+10 პასი), ნოელი (12+9 მოხსნა).
კ: ჯეიმსი (37+7 მოხსნა+9 პასი), ლავი (15+15 მოხსნა+7 პასი), სმიტი (14), ტომპსონი (10+10 მოხსნა).

მემფისი-ბოსტონი 101:98
16:34, 22:19, 30:23, 33:22
მ: რენდოლფი (25+13 მოხსნა), ჩელმერსი (18), ალენი (15+10 მოხსნა), ბარნსი (12+9 მოხსნა), მ. გასოლი (11+11 მოხსნა).
ბ: ტომასი (35+8 პასი), ბრედლი (14), ჯონსონი (14+9 მოხსნა), სალინჯერი (11), კრაუდერი (10).

ჰიუსტონი-ინდიანა 107:103 (ო)
28:24, 20:26, 16:27, 29:16, 14:10
ჰ: არიზა (24), ჰარდენი (21+9 მოხსნა+9 პასი), ჰოვარდი (21+17 მოხსნა), ბევერლი (16+6 პასი), ბრიუერი (12).
ი: ჯორჯი (20+7 ჩაჭრა), ჯორჯ ჰილი (13), მაინმი (13+7 მოხსნა), სტაკი (13), ელისი (11+13 პასი).

ნიუ იორკი-მილუოკი 100:88
24:24, 27:17, 31:19, 18:28
ნ-ი: ენტონი (24+10 მოხსნა+8 პასი), პორზინგისი (15+5 დაფარება), ლოპესი (13+9 მოხსნა), ტომასი (13), აფლალო (11).
მ: მონრო (28+10 მოხსნა), მიდლტონი (20), პარკერი (14), ვონი (10), ანტენტოკუნმპო (8+10 მოხსნა).

დენვერი-შარლოტი 95:92
36:26, 17:30, 28:21, 14:15
დ: გალინარი (27), ჰარისი (12), მუდიაი (11+6 პასი), ბარტონი (10+8 მოხსნა).
შ: ზელერი (15), ლემბი (15+8 მოხსნა), კამინსკი (14), უოკერი (11+6 პასი), მარვ. უილიამსი (11).

პორტლენდი-ოკლაჰომა 115:110
26:27, 26:19, 28:39, 35:25
პ: ლილარდი (31+7 მოხსნა+9 პასი), მაკალუმი (22+7 მოხსნა+6 პასი), ამინუ (16), პლამლი (11+11 მოხსნა), კრები (11), დევისი (10+9 მოხსნა).
ო: დურანტი (28), უესტბრუკი (25+9 მოხსნა+15 პასი), ადამსი (17+10 მოხსნა), იბაკა (14), რობერსონი (10+8 მოხსნა).

ლეიკერსი-იუტა 74:86
14:15, 16:28, 20:18, 24:25
ლ: უილიამსი (18+8 მოხსნა+6 პასი), კლარკსონი (14), რენდლი (11+7 მოხსნა), ნენსი (10+11 მოხსნა).
ი: ჰეივორდი (25), ჰუდი (14), გობერი (10), ბერკი (10).

ყოველდღიური სპორტული გაზეთი "ლელო"