"ნიუ იორკ ნიქსმა" წლევანდელი სეზონი ჩააგდო, პლეი ოფში ვერ მოხვდა და ახლა, მთავარი მწვრთნელის პოსტზე "კლივლენდის" ყოფილი დამრიგებლის დევიდ ბლატის კანდიდატურას განიხილავს.ESPN-ის ინფორმაციით, მთავარი მწვრთნელის მოვალეობის შემსრულებელს კურტ რემბისს აქვს პოსტის შენარჩუნების შანსი, თუმცა "ნიქსის" პრეზიდენტი ფილ ჯექსონი ალტერნატიულ ვარიანტებზეც ფიქრობს.
შეგახსენებთ, რომ ბლატი იანვარში გაუშვეს "კლივლენდიდან" - როცა გუნდი ლიდერობდა აღმოსავლეთ კონფერენციას მაჩვენებლებით - 30 მოგება და 11 წაგება. გასულ სეზონში, ბლატმა "კავალიერზი" ფინალში გაიყვანა.
* * *
ცნობილი ხდება, რომ რეგულარული ჩემპიონატის დასრულების შემდეგ, ჯეისონ კიდი, შესაძლოა,
ვისკონსინური კლუბის შეფობას კიდის მუშაობით უკმაყოფილების საბაბი საკმარისად აქვს. პირველ რიგში, გუნდის ცუდი შედეგები: შარშან დაკავებული მეექვსე ადგილის შემდეგ, "მილუოკი" პლეი ოფში ვერ გავიდა.
ამავდროულად, "ბაქსში" აღშფოთებულნი არიან სპეციალისტის ჩარევით კლუბის სატრანსფერო პოლიტიკაში - კიდის მიერ მოყვანილმა გამთამაშებელმა მაიკლ კარტერ-უილიამსმა და ცენტრმა გრეგ მონრომ ვერ გაამართლეს მოლოდინი.
დაბოლოს, კიდმა უბრალოდ, გააფუჭა ურთიერთობა კლუბის აქციონერებთან - მარკ ლესრისთნ და უეს ედენსთან.
თითქმის გადაწყვეტილია, რომ კიდთან ერთად, "მილუოკის" დატოვებს გენერალური მენეჯერი ჯონ ჰემონდი, ოღონდ სხვა მიზეზით - ფუნქციონერს შესთავაზეს სამუშაო "ნიუ ორლეან პელიკანსის" ოფისში.
ყოველდღიური სპორტული გაზეთი "ლელო"
