საქართველოს 20-წლამდე კალათბურთელთა ნაკრები ევროპის ჩემპიონატის B დივიზიონში ჩატარებულ მეოთხე მატჩში პორტუგალია 66:63 დაამარცხა.ორივე გუნდს დაკარგული ჰქონდა ჯგუფიდან პლეი-ოფში გასვლის შანსი და მიუხედავად ამისა, მატჩი საკმაოდ დაძაბული გამოვიდა. საქართველოს ნაკრებმა პირველი ტაიმი 2 ქულით მოიგო, საბოლოოდ კი 3 ქულით გაიმარჯვა.
საქართველოს ნაკრებში 15 ქულით ბომბარდირი გახდა ნიკა ჩეჩელაშვილი. ყველაზე სარგებლიანი კი ალექსანდრე ფევაძე იყო, რომელმაც 14 ქულა, 6 მოხსნა და თითო ჩაჭრა-დაფარება მიითვალა. 11-11 მიითვალეს რატი ანდრონიკაშვილმა
საქართველოს ნაკრებმა ჯგუფის 4 მატჩიდან 2-2 მოგებ-წაგება მიითვალა და 5 გუნდში მესამე ადგილი დაიკავა. ჯგუფიდან პოლონეთი და ფინეთი გავიდნენ, საქართველო კი ტურნირზე 9-16 ადგილების გასანაწილებელ საკვალიფიკაციო რაუნდში გადაერთვება. საქართველოს ნაკრების მომდევნო მეტოქე იქნება უნგრეთის ნაკრები, რომელმაც C ჯგუფში ასევე მე-4 ადგილი დაიკავა.
